متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 26 - 1 - 2013, 10:23 AM   #1

افتراضي كيد الرجال يهد الجبال



كان فيه شاب من اهل القصيم ساكن هو وامه فقط في بيت واحد لأن ابوه كان متوفي

وكانو مبسوطيين وعايشين بكل سعادة وخير مع شح وفقر ذاك الزمان

المهم امه العجوز شبت عليه وقالت له ياوليدي ورى ماتعرس

ودي تزوج علشان اشوف عيالك قبل ما اموت

وهو يقول بسم الله عليك عقب عمرن طوييل يوووه

المهم الحت عليه وهو وافق

وخطبت له امه هاك البنيه اللي كلها ملح

الولد عقب العرس .. ماينلام استانس بحريمته وتوافق هو وياااه الحمدلله

كل يحب الثاني ويوده

لكن المشكله عاد ب( المامي) تقل تضايقت شوي من الوضع(نغرت)

>>------وهذي فطره عند اغلب الحرييم الكباار خاصة مع عيالهم

---->>غصبن عليها

بدت إذا جاء الولد عقب الظهر داايخ

من الشغل وده يتغدا وينام قبل يأذن العصر

وأول مايصك باب الغرفه هو والمره إلاّ والوالده رانعتن عليهم الباب

( تنكيد يعني) قومو صللو يالله

وان كان هو ما أذن تطق وتقول قومو تولمو توضو قبل الأذاان..

ورزح هالباب ماتواطنهم بالغرفه تنهبل

والولد ماغير ( يقول إنا لله وانا اليه راجعون ) وش جاه أمي

وتطوور الوضع بدت العجيّز

إذا منّهم نامو بالليل وأوّل مايتواسوون تطق الباب قومو تسننو صلّو صلاة الليل..

قومو أوترو.. قومو وقومو..وماغير تهجدهم وترجدهم بالليل والنهار

المهم الولد تضايق بالحيل تنكّدت عيشته مايدري وش يسوي

الوالده صارت قشرا ماتعبّرهم داخلين بالغرفه تنهبل على طول ..

مرّه الولد كان عند رفيقن له يقالّه ابوصالح (معرووف بالعياااره)

كان يتقهوى ومع السواليف قص عليه السّالفه حقّته مع أمه وشكى على رفيقه ابوصالح حاله

قال ابوصالح أنا اعرف علاج أمّك زيين بس تطاوعن؟؟

قال الولد تكفى اللي تبي

بس فكّنا ياشيخ

قال أجل ابقولك : نبي نسوّي خطّه أنا وأنت

بس لازم تطبقها تمام وإلا ترى تبي تخرب عليك

قال الولد .. تكفى قللي

المهم قاله الطريقه واتفقوالرجال الجبال

يوم صار من باكر عقب العصر

جاء ابوصالح لبيت الولد وطق عليه الباب

طق طق طق

ابو فلان ابو فلان وبدا يصوّت ابوفلان

(كانت بيوت الأولين صغار بالحيل وهدوء

لدرجة ان اللي بالبيت يسمع كلام اللي بالشارع والعكس)

المهم طلع الولد قال

ياهلاااااا ابو صالح يالله حيه

ادخل اقلط تقهو

قال ابوصالح

لاوالله يابوفلان أنا عجل بس جيت ابي منك طلب وابمشيىىىىىىىىىة

(طبعا رافعيين اصوااتهم علشان تسمع العجيّز-

وهي ماقصّرت جادعتن إذنه تبي تدري وش يبي ابوصالح بولده)

قال الولد ادخل يارجال واطلب اللّي تبي

اللّي تبي بس تقهو

قال ابوصالح .. اللّي ابي؟؟

ماتردّن

قال الولد : والله ما أردّك لو تبي كل بيتي ومابه بس ادخل ..

إلاّ شي واحد ماأعطيكياااه

قال ابو صالح وشّو؟؟ هالشي؟؟

قال الولد : لاتجي بس تبي تخطب أمي؟؟

ترى هذي اسمحلي ما أقدر أطلب كل شي إلاّ هذي ..

قال ابوصالح وراااه ؟؟

قال الولد : الله يعظّم أجره أميمتي

تقوّمنا لصلات العصر قبل يأذّن وتقومنا نتسنن بالليل ..

وتقومنا نووتر قبل الفجر .. وتقومنا للفجر حريصتن علينا

والله مااأفّلبه ابد الله يخلّيها لنا ان شاء الله

قال ابوصالح : والله الصّراحه أنا جاين أخطب الوالده أجل

قاال الولد لااااا ياخووي

أجل طس لاتقهوى ولاشي مع السلامه .. والوالده مهيب معرسه

( كل هالكلااااام والعجيّز تسمع !! ومنهبلهالرجال الجبال)

راح ابوصالح والولد صك الباب

دخل الولد وإلا الوالده بوجهه قالت منهو ذااا؟؟

وش يبي؟؟؟

قال ياميمتي هذا خبل سايح وطلب منّي طلب وطردته ( مابقا إلاّ هي بعد)

اسكتت وهي منقهره تبي تنفجرالرجال الجبال

وجاء الليل ونامو ولاقامو إلاّ الضحى

وجاء الظهر ونامو وماطق عليهم أحد

والعصر جاء الولد لأمه

قال ياميمتي سلامااات؟؟

ماقوّمتينا لصلات الفجر ولا العصر

عسى مااااشر يووه؟؟

قاالت العجييز : قومو أنتم عسااكم للكسل ميير خلاااص انا منب دايمتن لكم

خخخخخخخخخ

وبدت ماتطق عليهم وافتكّو من شرّه

وهي على رجاء خطه ابوصالح












آخر مواضيعي

0 موسى
0 قسمه اعرابي
0 ذكاء4
0 باي وجه تلقاني
0 ومات العاشق
0 المكان الرئيسي
0 إيمان زوجه
0 حتى لما قررت ......
0 مما اعجبني
0 ذكاء2


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رواية عندما تنحني الجبال - تحميل رواية عندما تنحني الجبال - رواية عندما تنحني الجبال كاملة صعب المنال قصص - قصص قصيره - روايات - قصص واقعية - روايات طويلة 2 21 - 1 - 2013 12:29 AM
اسهل وصفة عمل خبز الجبال ، طريقة تحضير خبز الجبال ، مكونات عمل خبز الجبال غلآآ رؤؤحي مطبخ خجلي - اكلات - معجنات - حلويات - سلطات - مقبلات 1 16 - 11 - 2012 06:59 PM
السياحه في اليونان 2014 , صور سياحيه باليونان تحت الجبال 2014 , صور مدينه تحت الجبال باليونان 2014 &دنيا ماترحم& سفر - سياحة - رحلات - كشتات Travel - Tourism 1 10 - 11 - 2012 09:03 AM
انواع الرجال ، طرق التعامل مع الرجال ، افضل الطرق للتعامل مع الزوج غلآآ رؤؤحي الحياة الزوجية - زواج - الحمل - مشاكل الزواج 0 7 - 11 - 2012 09:15 PM
طرق تنظيف الرخام , لتنظيف الرخام , لتلميع الرخام حلا الرياض ديكورات - اثاث - غرف نوم - مطابخ - حمامات 2 16 - 4 - 2012 03:58 PM


الساعة الآن 12:27 PM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول