متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 10 - 9 - 2011, 12:11 PM   #1

كل مافيني جريح
خجلي مبدع
Mouse يمه بقووول لك شي بس لا تزعلين



يمه بقول لك شي بس لاتزعلين..//


يمه كتابي بالمدرسه نسيته..!




ونسيت الالوان ودفتر التلوين..//
و دفتر الأملاء بالغلط شقيته ..!




و المريول يالغاليه لا تنسين ..//
بالالوان و المزيل وسخته..!




وانا مع صاحباتي المزايين..//
يمه صبعي بالمقص جرحيته ..!




بس صدقيني ترى مايعورالحين ..//
لاني في المدرسه بالماي غسلته..!




و نشفته وحطيت صبغة الايدين ..//
وبلزقه الجروح و الكلينكس لفيته..!




اكلت العلكة وجبنه لوزين ..//
و العصيرما عجبني طعمة ورميته ..!




ايه يمه ابله العربي الي تعرفين ..// يمه الجوال منها سرقته ..!




قريت الرسايل المرسله و الجايين ..//
وفيها كلامن كثير ما فهمته ..!




بس والله يايمه تصدقين..//
بسرعه وبدون ما تحس رجعته ..!




يمه وبقول لك شي بس ابوي لا تخبرين ..// شعري امس بالمكوى حرقته ..!




و روجك الوردي الي تحبين..//
يمه خذته معي و في الباص ضيعته..!




تكفين يا يمه لاتزعلين ..//
لاني روجة الباربي و العطرلك شريته ..!




يمه اسناني تعورني من الصبح للحين..//
وضرسي الي يتخلخل بالغصب قبعيته ..!




و غسلت فمي و بالماي وللحين..//
القطن بفمي من الصبح ما شلته ..!




يمه حصة القران تدرين..//
والرياضيات والعلوم ما حظرته ..!




جلست العب في الساحه مع صابرين..//
وضيعت شرابي وللحين ما شفته ..!




ورحت مع احمد للمدرسه تصدقين..//
وكل الي نسيته من هناكجبته ..!




ردفني بالسيكل وسرعنا مثل المجانين..//
و شرابي الوردي وربي لقيته ..!




وفي طريقنا واحنا ع المحل مارين ..// وقفته و من يده للمحل نزلته ..!




وهذا الكتكات و السنكرس لا تزعلين ..//
و االببسي والبونتي لك شريته ..!




وترى نص الكتكات لي لا تفرحين ..//
و البونتي والسنكرز لك مابغيته ..!




وهذي هي اللصقه و غرشة الايدين..//
وترى من غرفة الارشاد سرقته ..!




يمه تعبت من الحكي وبنام هالحين ..//
وبكره اكمل لك الي سويته ..!




اووه صحيح الحليب الي شريتين ..//
تراه انكب بالمطبخ ما غسلته ..!




و صج الكريم و علبه الفازلين..//
و المشط و الشرايط بالكبت خشيته ..!




واخوي الصغير يبكي من جيت للحين..//
مو راضي يسكت بالعصا طقيته..!




يمه تكفين بالزعل لا تعاقبين ..//
لان ابوي توي من شوي راضيته ..!




هذا يايمه الي صار لا تكفين..//
لا تزعلي ترى الزعل عمري ما قويته ..!




ودخلت الطفله في عالم الحالمين ..//
والدموع الي بعينها ما نسيته..!




نامت الطفله و هي تتمتم الى الحين..// بقووول تزعلين
يمه السمك ترى للقطو حطيته ..!




يمه المريول اغسليه لا تنسين ..//
و علي واجب لبكره ما حليته ..!




اخذت يمه نجمتين بالدين ..//
واختفى صوتها والباقي ماسمعته..!




مسحت دمعتهاو قبلت الجبين ..//
و شعرها المنثور بيديني جمعته ..!




طفلتي جننت من البشر ستين..//
و الميه الحين اتوقع وصلته ..!







كل ذا ولاتبي امها تزعل












آخر مواضيعي

0 متى يسقط الشخص من عينك
0 ساكتب صداقتنا على جدران الزمن
0 دليل صحة الطفل
0 حضوووورك باسم مشرووووب
0 كوني كذا على صدور البنيات
0 تبسم عشاني
0 ما في صداقة في ها الزمن
0 لإزالة النقط السوداء على الأنف
0 أروع برودكسات 2012الجديده
0 هام للمسلم وغير المسلم


  رد مع اقتباس
قديم 10 - 9 - 2011, 03:10 PM   #2

ٱڼـثے مڼ حـرﯾڔ♣
• مشرفه سابقاً •
افتراضي رد: يمه بقووول لك شي بس لا تزعلين



ههههههههههههههههههههههههههههههههههههه

مآشآء آلله عليه لسآن هع

يوم قآلت هذآ البيت توقعته خلآص بتنطم
يمه تعبت من الحكي وبنام هالحين ..//
وبكره اكمل لك الي سويته ..!


لكن آلسآلفه طولت

لآوبعد ماتبي آمه تزعل هع

مع نفسك بس

عووآآآآآآآآآآآفي قلبوشتي


=)










آخر مواضيعي

0 لماذا يصاب الناس بالسرطان ؟
0 لآيفوتكم آلسيآحه في ديرتي روعه تعالو شوفوآ آلصور
0 امشي بهداوه ياحلو دربك خضر خوفي على خصرك لاتميل وينكسر
0 ساعات نيكسون شباب روعه للعيد2011-2012 ساعات ماركه نيكسون شبابيه للعيد2011-2012 ساعات فخمه للشباب
0 الطلاق ف اليابان بالصور
0 أجمل الصنادل النسائية للعيد 2012 , منتدى خجلي , صنادل نسائية للعيد 2012 , صنادل نسائية روعة
0 ديكورات مودرن كلاسيكية 2012 منتدى خجلي صور اثاث كلاسيك 2012 منتدى خجلي
0 تركيا
0 جديد الهلال خلفيات بلاك بيري - منتدى خجلي - خلفيات الهلال - منتدى خجلي - خلفيات بلاك بيري
0 بشرتك بيضاء اتبعي هذه الخطوات لماكياج يناسبك


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع



الساعة الآن 01:37 PM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول