متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 10 - 9 - 2011, 12:22 PM   #1

كل مافيني جريح
خجلي مبدع
افتراضي تخيلوووا اخوكم مهند حاااامل



يوم قالوا مهند حامل !!!!!!:eh_s(10)::eh_s(10):

بعيد عنكم صحاني مغص قوي من النوم ياربي وش ذا ؟

سهران منهد حيلي وذا مصبحني مع الصبح صحت بعالي الصوت

يا أماه يا مامتي ماردت !!

يامامي .... ماردت !

اوووووووووووووومي

أمي : هااااااااه

مهند : الحين اناديك بكل عبارات القاموس ماتردين ليه ؟

ام مهند : عندي ضيوف يافضيحتك اجل مامتي ومامي ؟!!

تدري خالتك وش تقول ؟ تقول روحي للسفلة ذا وخليه يترك المياعة عنه !

مهند : أنا سفلة لولا الحيا يايمه قمت سفلت بها ذي اللي كنها وايت محروقات تخيلوووا اخوكم مهند حاااامل

ام مهند : استح ذي خالتك !

مهند : آآآآآآآآآآه بطني يايمة بطني ذبحني نادي ابوي

ام مهند : سلامتك ياقلبي رجع لك المغص / ابوك مو فيه بصحي لك علي !

مهند : لا لا الموت ولا يوديني الملا علي خليه ينثبر

ام مهند : ياوليدي علي اخوك ليه دايم انت تحارشه وتوذيه ؟

مهند : انا أوذيه يايمه كنك ماتدرين عن سواياه بعدين اخاف

اقول وديني يقول : سحقاً لك أيها العاصي والله لن اساعدك

ايها المدخن العاصي ويحك انا لا اصاحبك فأنت لست من الصحبة

الطيبة فما أنت إلا داشر بغيض <<< خطبة ساحقة ماحقة :lunettes1:

ام مهند : خلاص ياوليدي اتصل على صديقك عبود

مهند : ياويلي يايمه بموت من دلاخة هالدلخ قبل اوصل للطبيب

لكن الشكوى لله مافيه غيره وش حدك على عبود غير المغص

مهند : يتصل على عبود

صدى جوال عبود : ناقتي ياناقتي لارباع ولاسديس

عبود : هلوووووووة هلووووووووه

مهند : صامت رعب من صوته وطريقة رده

عبود : من معي تكلم ياكلب او اهرجي يا كلبه

تكلم يارخمة تكلم ياعنز العن ابو الجوالات اللي عرفتوها

والله لاشتكيكم على الأمير سلمان !!

مهند : فاطس ضحك اي شي يجي المسكين يقول بشتكي

على الامير سلمان حتى لو هو في مكة تخيلوووا اخوكم مهند حاااامل

مهند : ها ياعبود انا مهند

عبود : مهند حبيبي ياصوت ابوي يا مهند

مهند : عبود الحقني ودني المستوصف

عبود : ليه وش تبي بالمستوصف ( دلخ ) :lunettes1:

مهند : لا ولا شي باستاجر المستوصف ويمكن اهده

وابني مكانه ناطحة سحاب

عبود : انت تمصخر << يفخم الحروف ويقلبها

مهند : وش ابي بالمستوصف ياثور !! مريض تعبان ممغوص

عبود : ياخوي انت كيف يجيك ماغص وانت منتف

واكلك كنه اكل طيور ؟

مهند : بسرعة الله ....................... قلت كلام ما اقدر اكتبه

عبود : طيب طيب لا يكثر جايك !

ركبت مع عبود والركوب مع عبود يعني انك على وشك الانتحار

او الانجلاط على اقل تقدير

عبود : وش تحب تسمع ؟؟

مهند : لالالالالالالالالا يرحم ابوك مابي اسمع شي اسرع بس

عبود : ياخوك انت ليه تكسر مجاديفي؟

مهند : ياخوي اصلا انت مالك مجاديف عشان اكسرها

وش احب اسمع ؟؟

انت مامعك غير خلف وحجاب وتبي تسمّعني بعد ؟

عبود : مهند اصبح عاد خلف وحجاب اهل الفن الاصيل

مهند : ادري بس مابي اسمعهم

عبود : بشغل خلف ولا علي من ذبك وكلامك عليهم

مسجل عبود :

مرني اربع بنات قلت يالله الثبات وين بالله رايحات ياعذاب العاشقين !

مهند : ياخوي هذا فاهم السنة غلط بالشقلوبي الزواج

يحق لك اربع وذا فال ابوها يغازل اربع !

عبود : هذا الغزل الأصيل

( دلخ كل شي عنده اصيل يحسب كلمة اصيل تصلح اي شي )

مهند : نزلني هنا بس وروح دور لك موقف

عبود اسمعني زين ترانا داخلين مكان عام استح على وجهك

وخل عندك دم تراك بتحرجنا مع الناس اعرفك ملقوف ولسانك طويل !

نزلت وابد مامشيت خطوتين الا وعبود جنبي !!

مهند : انت وين وقفت سيارتك ؟

عبود : نقزتها الرصيف شفها عليه !

دخلنا المستوصف ( خاص ) لأني ممكن اروح لأي مشرحة

ولا اراجع اي مستوصف حكومي او مستشفى حكومي لاني

صراحة زعلان على وزير الصحة ولاراح اروح لاي مشتشفى

حكومي الين يراضيني !تخيلوووا اخوكم مهند حاااامل

لقيت على الاستقبال بنت .......... تفتح النفس تخيلوووا اخوكم مهند حاااامل

مهند : السلام عليكم

هي : وعليكم السلام

مهند : السلام عليكم وصبحك الله بالخير ويالله صباح خير

وكيفكم ان شاء الله طيبين والسلام عليكم

هي : هلابك اخوي كيف اخدمك ؟

عبود : هع هع هع هع هع

مهند : عبود ياخي لاتضحك كذا واذا ضحكت لاتطاشر سعابيلك تغرقنا !

هي : ياخوي كيف اخدمك وراك ناس

مهند : وه بس انا تعبان احس بماغص وابي طبيب باطنية

<< طلع فوق راسي فقاعة كبيرة مثل فقاعات الرسوم

المتحركة ذيك اللي يطلع كلام الخاطر فيها وقلت فيها ياويل

حالك يا مهند هذي الناس اللي تفتح النفس ياويلي خصلة من

شعرها تسوى الوف وش حظي المعوكس ذا ؟؟

هي : ياخوي اشبك مبلم لي ساعة اسألك عن اسمك ؟؟

مهند : اسمي الهنوف

هي : ضحكت شوي وقالت ياخي بلاشي استظراف مع

الصبح بتخلصنا والا طلبت المسؤول ؟

مهند : خلاص اسمي فلان بن فلان وحتى امي اسمها فلانه

اخذت الكرت وتوجهت لعيادة الطبيب

دخلت انا وعبود عليه وحصلت دكتور مصري يدوب يتكلم من كبر السن !

الدكتور : اهلين يابني تفزل تفزل استريح ياحبيبي

مهند : هلا يادكتور بس المغص ذبحني

الدكتور : أوم للسرير لو سمحت

مهند : توكلت على الله سبحان الله سخر لنا هذا

الدكتور : هنا ! ولا هنا والا هناك

مهند : بطني كله لاعب فيني يادكتور

الدكتور : ماشي ماشي حنعمل شوية تحاليل حنحلل الدم !

وحنحلل البتاع وحنوخد اشعه مقطعية للقمقمة !!

وحنوخد أشعة للصدر وأشعة للرقلين وأشعة لصوابع رقليك ولصوابع يديك !

مهند : لعنبو دارك انا جايك تشليح والا اشكي مغص ؟

الدكتور : يبني دا في مصلحتك

مهند : مصلحتي وشي ؟ عالج المغص بس ولايكثر تخيلوووا اخوكم مهند حاااامل

انا موافق على تحليل الدم والبتاع بس !

الدكتور : ماشي يبني حتندم ياقميل

رحنا للمختبر سبقني عبود بالورقة الا الدنيا يوم قبعت ضحكة طويلة ههههههه

اثر عبود شاف الفلبينية ومسوي فيها يعرف يتكلم قال :

هالوووووووو هالووووو خوفها عصبت بنت اللذينا والفلبينية

لاعصبت فاعرف انك امام كلب بوليسي كايش تخيلوووا اخوكم مهند حاااامل

سحبت عينة الدم وقالت نصف ساعة وتطلع التحاليل كلها

والبتاع معها طلع التحليل ورحنا للدكتور ودخلنا عليه انا وعبود

الدكتور : يقرأ

الدكتور : يقرا

طول وهو يقرا

الدكتور : مش معئول هيا الدنيا قرا لها أيه ؟؟

مهند وحلقه ناشف : خا خا خا خا خييييير يادكتور

الدكتور : شوية يابني انا مش فاهم !!

الدكتور : تعال يابني عاوزك شوية ( يقصد عبود )

راحو بطرف الغرفة وراحوا يتكلمون

الدكتور ما اسمعه لكن اسمع الدلخ واشوف سعابيلة تطاشر

الدكتور : ...............................

عبود : كيف ياتختور مايصير هذا رجال

الدكتور : ...............................

عبود : ياتختور لاتجنني ماعمري سمعت كذا

الدكتور : .............................

عبود : لاحول ولاقوة الا بالله يافضحنا بين الناس

مهند وضغطي وصل الاتش :

اقول انت وياه بلاشي استهبال ولاتستهبلون على مهند اكبر

مستهبل بالدنيا انت وياه وش فيه ؟؟

عبود : مهند اقطع واخس طحت من عيني وربي انك فضيحة

يافضحنا بين القبايل

مهند : عبود ابلع لك صاع شعير من اللي تعطيه معزاك

وش فيك لابوك لابو هالدكتور معك تتكلمون فيني والمريض انا وكني قاصر !

عبود : لك وجه تتكلم بعد يالسفلة وانت حامل انا من يوم شفت

حركاتك الايام التالية وانا ادري انك سفلة يابارد الوجه تخيلوووا اخوكم مهند حاااامل

مهند : عبود الله يلعن جدك انا اعرف انك دلخ والحمار اللي

هو حمار يعتبر عبقري معك بس ماصدقت تصير دلخ للدرجة ذي !

عبود : خلاص كشفك الله تبغاني اكذّب تختور قضى عمره بالتخترة

واكّذب تحاليل مختبر واصدقك انتي يا مره ؟؟ تخيلوووا اخوكم مهند حاااامل

لكن علمني من ابوه وربي لاموته واموتك معه ونستر هالفضيحة ::shiny01::

مهند : يادكتور

الدكتور : نعم يابني

مهند : عليك لعنة الله انت شكلك سمكري او مبلطاتي وجاي

بشهادة تزوير خاصة لعنبو جدك كيف احمل وانا رجل ياحيوان

وكيف اصلا انت تصدق هالتحاليل وتؤمن بها

وانت طبيب ومتعلم لكن شكلك جاينا من زريبة من بني سويف

وكنت تنام مع الجواميس وزورت لك ورقة تثبت انك طبيب وجيت

تتعلم فينا ولقيت هالدلخ واشكاله يحترمونك !

الدكتور :

يابني انا ما أولتش حاقة التحاليل وزميلك ده أولت له فيه حاقة غلط

مهند : بلا كثرة سواليف وقوم معاي لمختبركم التافة ذا

الدكتور: يالله يابني حنمشي للمختبر مهما قرا انا دكتور واعرف انو فيه حاقة غلط !!

في المختبر وبعد عناء طويل ومشادات كلامية بني وبين

الممرضين حقين معاهدنا ذولي اللي يتخرجون ويترززون في

المستوصفات ولايعرفون شي ولا منهم فايدة طلعت براءتي

العينات حقت الدم لخبطتها الممرضة وحطت عينة حرمة حامل

بدل عينتي وتحت اسمي تخيلوووا اخوكم مهند حاااامل

طلعت وعبود يزحف وراي تكفى مهند سامحني تكفى ياخوك

انا صديق عمرك تكفى وربي اني احتقرت نفسي تكفى يالامير

يالشهم تكفى طلبت العذر والسموحة تخيلوووا اخوكم مهند حاااامل

مهند : طس بس طس انا ما اماشي بقر

عبود : تكفى انت تعرفني دلخ لكن والله اني احبك

مهند : خلاص سامحتك انثبر

مايستفاد من هالملحمة تخيلوووا اخوكم مهند حاااامل :

1 : لايضحكون عليكم الاطبا وتدخل معك ثلاثة الاف وتطلع مامعك ولا ريال !

2 : لاشكيت من شي خلهم يعالجون اللي تشكي منه بلا اشعة

وفحص كامل بلا خرابيط !

3 : اروح ملح مع حقت الاستقبال تخيلوووا اخوكم مهند حاااامل

4 : الاخطاء الطبية بمستشفياتنا حدث ولا حرج

5 : كم واحد قطعوا رجله وهي مافيها شي وكم واحد نسوا

المقصات ببطنة ومات ولا من شاف ولا من دري

واقصى عقوبة يسفر السباك !

6 : اهرب من غضب الفلبينية قدر المستطاع

7 : اغدي كشنة معكم ياللي تردون !

8 : اغدي كشنة صغيرة معكم ياللي تقرون ولا تردون تخيلوووا اخوكم مهند حاااامل

والى اللقاء في قصة خيالية اخرى

تخيلوووا اخوكم مهند حااااملتخيلوووا اخوكم مهند حااااملتخيلوووا اخوكم مهند حااااملتخيلوووا اخوكم مهند حااااملتخيلوووا اخوكم مهند حاااامل












آخر مواضيعي

0 مفارش سراير النوم راقيه
0 شاعر يهدي قصيدة لحبيبته
0 برودكاست حزين - برودكاستات حزن 2012 - برودكاست بلاك بيري حزين 2012 - 2013
0 تسريحات كيوت
0 لنغسل اعيوننا با ستمرار
0 جزيرة رشا
0 احلى طلاء اظافر
0 اول صباح في الجنه
0 التاج على الرأس فلا تجعليه ع
0 برودكاست قبل النوم ، اجمل برودكاست قبل النوم


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع



الساعة الآن 01:45 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول