متابعين خجلي على تويتر
متابعين خجلي على الفيسبوك
| |||||||
 |
| | LinkBack | أدوات الموضوع | انواع عرض الموضوع |
10 - 3 - 2013, 08:44 AM
| #1 | ||||
| |  وصفة البشرة العادية , خلطات البشرة العادية , خلطات تفتيح للبشرة العاديه
وصفة البشرة العادية , خلطات البشرة العادية , خلطات تفتيح للبشرة العاديه   (النشا) انا عارفة طبعا ان في وصفات كتيييييييييييير جدا بالنشة بس انا حبيبت انقلكم تجربتي معاه انا قررت اني اوحد الخلطات بتاعتي واستمر علي نظام واحد لشعري،وواحد لجسمي ،وواحد لبشرتي عشان اقدر اشوف الفايدة بتاعة كل ماسك من غير لخبطة ووجع دماغ ووقع اختياري علي النشا للجسم: مش قادرة اقولكم علي جمال النشا والليمون بعد السويت حاجة كدا روعة بعد السويت علي طول وقبل مااغسل ايدي او رجلي اكون مجهزة النشا بالليمون وادهنه واسيبه لحد ماينشف واشطفه والنتيجة:نعومة ،بياض،وبيشد المنطقة جدا ويخليها مشدودة وانيقة موووووت -اما الوصفة اللي قررت استمر عليها لجسمي غير النشا بالليمون وفعلا شفت التغير اللي حصل ف جسمي مع الاستمرارهي(الحمام المغربي)بجد رائع رائع رائع البشرة: النظام بتاعي كان عبارة عن حمام بخار كل اسبوع وماسك تقشير(زيت زيتون وسكر) والماسك بقي اليومي عبارة عن نشا+مية ورد+لبن حليب(وعلي النار لحد مايبقي زي الكريمة واحطه ف علبة ف التلاجة وكل يوم اخد نص ملعقة وعليها شوية لبن بودرة وبودرة تلك وعسل واخلطهم وادهنها ع بشرتي كل يوم واسيبها عادي لحد ماتنشف وبعدين اشطفها وارش وشي بمية الورد،وادهن وشي كريم جونسون الازرق (مرطب وخفيف ع البشرة وكمان ريحته حلوة)،وكل يومين ادهن وشي بمحلول المرة النتيجة: بشرتي لونها اتوحد،وافتحت ونعومة فظيعة بالاضافة ان المرة بتشد البشرة ولو في اثار حبوب بتشيلها،والماسك انا مش ممكن استغني عنها ابدا الشعر: جينا بقي للنقطة المهمة شعري بقي انا احتست معاههو ناعم وحلو بس بقي يتساقط بفظاعة وبقي مقصف،وكمان قصيته قصير اوي ونفسي يطول ولما قصر بقي هايش وشكله مش حلو ودايما حزينة عليه المهم عملت خطة لشعري وماشية عليها الحمد لله،وفي تحسن ولله الحمد بس فضلت مشكلة الهيشان وهنا بقي جه دور حبيبي (النشا) شفت الوصفة دي ف منتدي تاني وقلت اناخسرانة ايه اجرب،عملت تدليك لفروة الراس بتونيك فازلين وبعدين حطيت عليه الماسك (نشا+اي زيت تحبيه)انا استعملت زيت براشوت بجوز الهند بس لازم يكون كمية الزيت ضعف كمية النشاوتحطيهم علي شعرك
وعادي انا نمت بالخلطة لان شكلها عادي خالص والنشا مش باين ولا عامل اي شكل وحش،والزيت كمان ريحته عادية فمفيش مشكلة لو نمتي بيها جنب جوزك،بس لو هاتستخدمي زيت ريحته كدا ولا كدا لا بلاش تعمليها وجوزك موجود وبعدين صحيت غسلتها بشامبو مخفف بمية وبس دهنت نقطة واحدة سيروم ولفيت شعري وجيت افكه والله والله فعلانعومة رائعة والهيشان قل جدا جدا الحمد لله ،بجد تحفة
المصدر: منتديات خجلي - من قسم: عالم حواء - العناية بالبشره - رشاقتك - شعرك - تبييض البشره | ||||
 |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ماسك للبشرة العادية ، وصفات الحليب للعنايةالبشرة ، خلطات طبيعية | غلآآ رؤؤحي | عالم حواء - العناية بالبشره - رشاقتك - شعرك - تبييض البشره | 1 | 25 - 10 - 2012 04:15 PM |
| وصفات لتنقية وتفتيح البشرة ، تفتيح البشرة العادية ، بشرة صحية | غلآآ رؤؤحي | عالم حواء - العناية بالبشره - رشاقتك - شعرك - تبييض البشره | 0 | 21 - 10 - 2012 08:21 PM |
| طرق عمل مسكات للبشرة العادية 2014 ، اجمل مسكات للبشرة العادية ، مسكات للبشرة العادية روعة مجربة | رحيق الجنه | عالم حواء - العناية بالبشره - رشاقتك - شعرك - تبييض البشره | 1 | 26 - 8 - 2012 08:13 PM |
| خلطات العروس 2012 ، خلطات لجمال البشرة 2013 ، وصفات مفيدة للبشرة | جمر الغلا | عالم حواء - العناية بالبشره - رشاقتك - شعرك - تبييض البشره | 1 | 22 - 7 - 2012 03:59 PM |
| ماسك تفتيح للبشرة العادية والمركبة 2012 , ماسك للتفتيح البشرة طبيعيا 2012 | ! غرور أنثى ! | عالم حواء - العناية بالبشره - رشاقتك - شعرك - تبييض البشره | 1 | 7 - 7 - 2012 01:06 AM |
العرض العادي
