متابعين خجلي على تويتر

متابعين خجلي على الفيسبوك


العودة   منتديات خجلي > الحياة الاسرية والمجتمع > الحياة الزوجية - زواج - الحمل - مشاكل الزواج
التسجيل مركز التحميل اعلن معنا قوانين المنتدى البحث مشاركات اليوم اجعل كافة الأقسام مقروءة


مواقف زوجيه تضحك , مواقف زوجيه مضحكة , مواقف مضحكة بين الزوجين

الحياة الزوجية - زواج - الحمل - مشاكل الزواج

إضافة رد
 
LinkBack أدوات الموضوع انواع عرض الموضوع
قديم 9 - 3 - 2013, 07:06 PM   #1

صعب المنال
خجلي موهوب
افتراضي مواقف زوجيه تضحك , مواقف زوجيه مضحكة , مواقف مضحكة بين الزوجين



حبيت أضيف شوي من الضحك والوناسه في بعض من المواقف الزوجيه والواقعية





هذي وحدة تقول مره وصلني زوجي للمدرسه اللي كنت معلمه فيهاالصباح قلت له وأنا نازله راح أشتاق لك ياحبي.... قال أزلي أنزلي لا تروح عليك الحصه الاولى .. آآآآآآه بغيت أصفعه بالمسطره إللي معاي عاد أنا وش اقول ....

وحده ثانيه تقول:
زوجي موراعي هدايا أبد قلت أبشتري هدية جوال الي يستخدمة قديم المهم غلفته وكتبت في الكرت شعر وكلالالالالالالالام حلو وعطيتة الهديةوكنت بجنبة المهم فكه بشراسة وجهه فيه علامات أستغراب وتعجب وأناا مبتسمة طلع وناضرقال لمين هذا قلت لك حبيبي قال شاريتة بالفين وخمسمية يامبذرة هو فرحان بس شوفو التعبير قسم بالله ذبلت أبتسامتي وهو يضحك يقول أول مرة أحد يهديني بالمبلغ هذا بس تصدقون رحمتة هههههههه هههههههه







وحده من ملت من الروتين اليومي في حياتها وحبت إنها تسوي مفاجئه لزوجها بسهره رومنسيه ...المهم قامت وطلبت الكيكه من الدبلوماسي والعصيرات
وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو له .....
.المهم جاء الزوج من الاستراحه وأستقبلته ودخلته للمجلس وقصت له من الكيكه
وصبت له من العصير...المهم يوم بلع وخلص قالها الحين وراك مجلستنا بالظلام حشى كأننا بقبر.
.تقول هي انها بلعتها وسكتت منب مخربه السهره...قام وكمل أكل الكيكه وقالها الحين وراك طالبه حجم كبير
من الكيكه كان طلبتي حجم صغير وشوله الاسراف يالله روحي قومي العيال ياكلون منها عشان ماتكب..
.عاد هي حامت كبدها منه وطفشت وزعلت عليه......
.تدرون المفروض انها تحط له خبز وفول ويخب عليه هذا مهب وجه تدليع .


هذي وحده من البنات توها متزوجه وحابه تسوي حركه لزوجها .
..قامت وتزينت وتجهزت من مجاميعه وحطت الاضاءه هاديه وشغلت الدخان الصناعي
وانتظرته لحد ماشرف...المهم يوم دخل ويشوف الدنيا شبه مظلمه والدخاخين
حاجبه الرؤيه قام يركض للصاله وجلس يناديها
وهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ماترد عليه(جاء بيكحلها عماها)....بالله وش تتخيلون موقفها؟؟؟...
.....


/ هذي وحده من البنات تزوجت وراحت للخارج مع زوجها بعثه للدراسه له ولها..
.المهم شافت ذا الحمران العطران ورومنسيتهم قالت خل اسوي مثلهم .
.وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسه الهاديه.. فقامت يوم من الايام قبل ماتروح للمعهد قالت
خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه ومن ذا الحركات.
..قالت إذا رجع وشاف الحركات هذي اكيد بيستانس شوي...المهم يوم رجعت من المعهد
شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى
وسألته قال الله يصلحك ناثره لي عشب على السرير وشلون انام عليه( مايميز بين الورود والعشب).
...بالله مو المفروض تنثر على السرير تين شوكي ......



وهذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها
يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا
يطلب كل مالذ وطاب على حسابها ..عاد هي قالت انا اوريه عشان يتأدب
ويعزمني بدال ما انا أعزمه...قامت وعزمته زي كل مره ويوم خلصوا ماكلين
قالت له اكرمك الله ياابو فلان على العشى...عاد هو شرق بالعصير من الروعه
, قال لها وشلون يعني؟؟؟قالت له الله يسلمك الفاتوره
دفعتها من جيبك اخذت المبلغ من بوكك قبل مانطلع....
.تقول عقبها طاح وجهه تأدب وصار يطلعها كل سنه مره(تعب نفسه صراحه)......



وفي وحده لاهي ولازوجه يدلون الرومانسيه وكانت بيوم راح تنقل لبيت ملك المهم شارت عليها
إختها إنها تشتري حركات فطلعت مره هي وزوجها يشرون شموع اشكال والوان وبعد فتره هي كان
زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس
شاف الدنياظلام يوم دخل على زوجته ولع النور وطفى الشموع قالها الله يهداك الحين أنا شاريهن لاطفى الكهرب<<<<<قمة التحطيم


هذي وحده جنااااااااانها البلونات عااااااااد ذاك اليوم فكل جدر حطت نفاخه ..وشك شك هذا طبعا صوت مفاتيح الباب جاء رجالها ..ومن غير مقدمات يوم شاااف البالونات فقعها وووهو معصب وقال لها لو يجونا ضيوووف وش يقولون.. هذولي لسه ما تخرجوا من الإبتدائي ..والله تحطيم ..
ههههههههه



وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها>>>>>> المهم ما أطول عليكم .
رحت وشريت لي كتاب رومنسيات زوجيه قالك بتثقف وأصير رومنسيه حتى أعجب أبوالشباب
وأنا كنت بداية الاجازة أروح لأهلي وأطول عندهم كذا يوم وهو قاعد بالبيت
قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه ......
واختكم في الله سوتها ......... تتوقعون إيش كانت النتيجة ............ ......... ......... ..اهئ اهئ
لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة>>> زوجي كتوم جداً
قلتله ياعيوني ياحبيبي عجبتك الحركة .........
قالي أي حركة لا عد ترمين أوراقك منا ومنا وأنا ألقط وراك ليه شايفتني شغال تسنعي ياحرمه .
إيش رايكم فيه>>>>>> تحطيم.


وحدة تقول مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر












آخر مواضيعي

0 ارقام ميزانية السعودية 2013 , ارقام الميزانية 1434 , ارقام ميزانية السعودية 1434
0 نصائح للشعر في فصل الخريف , الشعر في فصل الخريف
0 الراقصة شمس
0 كاريكاتيرات 2014
0 الولادة المفاجئة
0 فساتين زفاف دانتيل 2014
0 الاكتئاب مابعد الولادة 2014 , علاج الاكتئاب مابعد الولادة 2014
0 ايقاف الحرس الشرعي في الاسواق , الحرس الشرعي
0 سيول حائل الثلاثاء 8 / 6 / 1435 , امطار حائل الثلاثاء 8 / 6 / 1435 ,
0 عروض بوربوينت جغرافيا ثالث متوسط


  رد مع اقتباس
إضافة رد

مواقع النشر (المفضلة)

« زيادة المحبه بين الزوجين , طرق زيادة المحبه بين الزوجين , اساليب في زيادة المحبه بين الزوجين | طريقة استقبال وتوديع الزوج , فن استقبال وتوديع الزوج , افضل طريقة في استقبال وتوديع الزوج »
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
مواقف سيارات في دبي تدخل غينيس , مواقف السيارات التابعة لابراج الامارات المالية تدخل موسوعة غينيس صعب المنال اخبار عامه - سياسيه - اقتصادية - عالمية - متنوعة 1 8 - 2 - 2013 02:43 AM
مواقف محرجة 2013 , صور مواقف محرجة 2013 , مواقف محرجة للبنات 2013 , مواقف محرجة جدا 2013 صعب المنال صور - كاريكاتير - مناظر - خلفيات - طبيعة - صور منوعه 2 25 - 8 - 2012 06:32 PM
مواقف طريفة 2012 , صور مواقف طريفة 2012 , مواقف طريفة ومضحكة 2013 صعب المنال صور - كاريكاتير - مناظر - خلفيات - طبيعة - صور منوعه 0 25 - 8 - 2012 11:38 AM
مواقف مضحكة 2013 , صور مواقف مضحكة 2013 , مواقف تضحك 2013 صعب المنال صور - كاريكاتير - مناظر - خلفيات - طبيعة - صور منوعه 0 25 - 8 - 2012 11:33 AM
مواقف للرسول صلى الله علية وسلم , مواقف لرسول اذهلت البشرية صعب المنال حياة - صفات - اخلاق - اقوال - رسول الامه 1 27 - 6 - 2012 07:01 AM


الساعة الآن 06:02 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت