متابعين خجلي على تويتر

متابعين خجلي على الفيسبوك


العودة   منتديات خجلي > الحياة الاسرية والمجتمع > الحياة الزوجية - زواج - الحمل - مشاكل الزواج

إضافة رد
 
LinkBack أدوات الموضوع انواع عرض الموضوع
قديم 29 - 5 - 2013, 02:34 PM   #1

39 اسرار ليلة الدخلة - للرجال فقط 2014 - اهم سرار ليلة الدخلة



طبعا ً قبل العرس لازم تنسق مع اهل العروس سعر المهر.

وعندنا المهر مو ثابت .. يعني على حسب البنت

إذا هي ( صاروخ ) يطلبون 70000 الف .. وإذا لم تكن كذلك يطلبون من الثلاثين الى 50000 الف

وفي مجتمعنا المحافظ .. يقهرونك قهر ورب الكعبة .. تروح اختك وامك يتفحصون البنت

<< مادري شارين لي موتر مو بنيه .. مو ناقص إلا يطقون فيها فره يجربونها الزبده ..

و ترا المسألة على حسب ذوق اختك ..

( وبيني وبينك .. اذا تبي تعرف ذوق اختك افتح دفترها حق المدرسة ..

إذا هو مزخرف وحركات وورد ودلوع .. يعني ذوقها كذا

وإذا تلقى ذكرى ام صيته + ام مزنه + ام ليالي .. وقلب حب مدري شلون هو جاي ..والله اللي رحت فيها

واختاروا لك بنت .. المفروض بالعقل انك تشوفها .. لأنها شريكت حياتك ( الشرع يقول كذا )

اما حنا لا .. بس يوصفونها لك

شعرها كذا .. طولها كذا ..وعليها مقفا كذا

يعني شي خيالي .. وانت تفكر وتقول بنفسك

( يا الله .. هذا الجمال يا شيخ )

وامك ترفع .. واختك تشوت .. وعلى هالوصف هذا هيفاء وهبي مو بنت ام فلان

وتقعد لك ثلاث شهور .. وانت بس تفكر في البنت .. لين ينتفخ راسك

ويجي اليوم اللي تمنيته طول حياتك .. ليلة العمر

تلقاك لابس البشت وابوك على يمينك وعمك الكبير على يسارك

وخوانك وعيال عمك وعيال خوالك وعيال جيرانكم .. حتى عيال خدامتكم

كلهم متجمعين .. واللي يعرض بالسيف ( مسوي لي فيها الزير سالم هو و راسه )

واللي ماسك الرشاش والسما حمرا من الطلق .. تقول جالس بفيتنام

الزبده .. وتخش على صالة الأفراح حقت الحريم ..

بصراحة العزوبي ما يخاف الا من شيئين

1 لمبات العرس إذا ركبوها على البيت ( تحس خلاص ما فيه رجعة )

2 إذا دخلت على صالة الحريم في صالة الأفراح

هينا يجينا ( مغص في البطن )

ولما تخش الصالة .. الله لا يوريك ..

ما تشوف إلا العيون .. اللي حاطه ( شادوا مدري روج بالعيون ) << خخخ حلوه روج بالعيون

واللي مغطية الوجه ومطلعه القذله .. والأجسام ( ياويل حالي ويلاه ) << والله اللي توقفت العضوية خخخ

ولما تخش تمشي بالصالة تبي الكوشة .. تسند جسمك على ابوك على شان ما تطيح من هول ما ترى

وتجلس على الكرسي تلتقط انفاسك .. وانت من داخل ميت تبي تشوف العروس

ولما يطلعون اللي زفوك .. ابوك وعمك والخمه اللي معهم

يجي عاد الكلام اللي مال امه داعي ......

امك تطب بالملعب ( والمقصود بالملعب هنا " ساحة الرقص " البست يعني )

وتخش خالتك تراقصها .. وشوي تطب مرة عمك .. حتى خدامتكم تخش وتشكشك بالهندي لها ربع ساعة خخخ

طبعا ً العالم اللي عندك منت صوبهم .. تبي تشوف اللي بجنبك جالسة .. تبي تشوف بسكال مشعلاني

وفي هذه الأثناء انت مفهي على الحضور .. وعينك كبر قوطي جبن كرفت خخخ تقز في البنات اللي قاعدين

عاد البنات الله يقطعهن يستعبطن

اللي تطيح الشيله متعمده .. واللي تنزل العبايه .. واللي ترفع الغشوه يعني تشرب ماء

( الله يرجهن يا هن زاحفات خخخخ )

وبعد نصف ساعة كأنه الدهر بحالوه تنطلق انت وهالغزال للعشة الزوجية

ويدخلونكم الغرفة .. واللي يلولش هينا واللي يزغرت هناك .. واللي يلعب يوقا عند الباب

المهم .. تخش الغرفة وانت لابس البشت << يعني شرايك .. تبيه لابس سليب

وتقول للعروس السلام عليكم

وهي شطف .. ما ترد

وتنزل البشت .. وتجي تقعد جنبها على السرير

( ايوه ... هينا الكلام )

ويوم جلست .. وانا المح طرف كوعها .. ويوم شفت الكوع

لا تقولون يالربع .. تقول غاطه كوعها بغرشة حبر اسود

انا هينا صراحة .. قلبي قام يوجعني .. وقلت بنفسي ( لازم نتأكد إن بعض الظن إثم )

واقول لها يا فلانه ..

ولا ترد علي !!؟

يافلانه تعوذي من ابليس .. وقومي

وهي تسوي مستحية .. ما تدري انها لو تقول لي ( بععععع ) انحشت مع الباب

الزبده .. وانا اسولف معها ما ترد علي .. شاطفتني شطفه مو طبيعيه

تقول قرد عندها مو زوجها ..

قلت بيني وبين نفسي .. ( يا ولد وش السالفة .. لا يكون البنت مغصوبة علي )

عاد انا شهم لأبعد الحدود << والله انك نصاب لأبعد الحدود

وقلت لها .. يا بنت الناس .. حنا الحين متزوجين .. يعني انتي مرتي بشرع الله ورسوله

ما ردت علي , كأني اسولف على جدار

وقلت بيني وبين نفسي << يا كثرما تسولف على نفسك

( تدري شلون .. خلني اضحكها .. انكت استعبط ..اللطف الجو )

والله واجي واقعد جنبها .. واقول فيها بيت شعر .. اتغزل فيها

وهي شطف .. ولا كأني موجود بالغرفة !

واقوم واخذ القلم واسجل رقم جوالي .. واقطه عليها وقلت لها هذا رقمي

ارقمها خخخ .. " بكيفي مرتي وبكيفي .. ان شاء الله ارقم ابوها بعد "

وهي تبتسم بس ما تكلمت .. ويوم تبسمت جيت وجلست بجنبها ( قربت منها شوي )

وقلت لها .. ( معك مباحس امن دولة ) يعني انكت انا وراسي

هينا البنت قالت بقلبها .. ( يا الله المستعان .. زوجي طلع خبل خخخ )

واخذ لي ربع ساعة وانا مفهي على زولها .. اطالعها من فوق لتحت << تحسون عمره ما شاف خير

واقول بنفسي .. ( يا ولد الجسم مسكت ما يحتاج .. بس الوجه .. ابي اشوف الوجه )

والله وانا امسك ايدها .. انا من مسكت اليد وقلبي قام يرقع رقع
.
. والبنت قامت تنزل ايدها الثانية شوي شوي

وانا استانس بصراحة .. وقلت هذي والله الفله

وبلمح البصر ! .. تسحب الكعب اللي لابسته .. وترفع اليد .. وتنزل الكعب على راسي مثل

الـ B52 يوم تنزل على بغداد .. وانا لي صياح << سجن ابو غريب مو العشة الزوجية خخخ

والله وان اخذ الواجهه .. واروح واوقف عند الباب .. واقعد اطالعها ( طاحت علي سلطة .. مدري وش اسوي )

إن طلعت برا شافوني اهلي .. ويقولون وش فيه ولدنا لا يكون فضحنا مع البنت

وإن جلست بالغرفة .. هذي ما تعطي وجهه .. وقمت افكر و افكر لين طرت على بالي خطة

واشوف سويتش اللمبه ( Off .. On ) .. وانا اطفي اللمبه .. واولع المبه الحمرا

ألمح لها .. والله وتقوم بنت الحلال وتتوجه صوبي

انا يوم شفتها جتني تمشي .. خفت والله .. قلت الحين تبي تلعن خيري الخير

وتجيك المعزبه .. وتطفي اللمبه الحمرا .. وتولع اللمبه العاديه

وانا ماسك يدة الباب ابي انحاش إذا قربت لي << امحق رجال

وقلت لها .. يبه ( خلاص بلا عرس وبلا بطيخ .. الحين انا ابي انام .. شلون !؟ )

والله والبنت ساكته .. وانا اقرب شوي شوي .. واسحب المخده ببطء شديد << ينعن ام الخوف خخخ

واروح لزاوية الغرفة .. واحط المخده .. واحط راسي عليها .. وألقيها ظهري

وحسيت في البنت قامت وتحركت .. ( تغير ملابس الفرح )

وانا صاد اطالع الجدار << ما قلت لكم شهم >> أي هين خخخ تجيكم السالفة

ويوم خلصت .. ألتفت عليها .. وعلى طول تغشى البنت مستحيه مني

والله وانا اقوم واروح لثلاجة اللي بنفس الغرفة .. وفتحتها

وأشوف انواع الحلاو .. وانواع العصيرات .. ( يا بعد قلبي يا يمه .. هي اللي شاريتها )

واسحب الكتكات .. واقعد ابلع منه لين ارتفع السكر اللي عندي

واشوف .. إلا هذاك العصير اللي يفضخ القلب ( عصير طماط خخخخ )

والبنت تطالعني مستغربة .. انا إذا شفت الحلاو والعصيرات .. افقد الوعي على طول

وحسيت فيها انها تناظر لي .. وانا اخمط من الحلويات .. من كل بستان زهرة على ما قالوا

واجي واحطهم عندها .. واطالعها وابتسم

( طبعا ً الكلام هذا وأنا ما شفت وجهها للحين )

ومدت ايدها شوي شوي .. وأخذت الكتكات .. عاد انا احلا شي عندي الكتكات ><"

والله وانا افلص بعيوني خخخ .. ( ابيها ترجعه وتاخذ شي ثاني )

وهي تسحب علي السيفون .. وتفتح الحلاو و تدخل يدها تحت الطرحة وتاكل

وقلت لها .. ادفع نص عمري بس اشوف وجهك

قالت بصوت خافت ومبحوح ( صوتها يدوخ ياجماعة الخير )

قالت .. ابي بطاقة سوا خخخخ

انا يوم سمعت البطاقه .. كنك صافقني مخمس على خشتي

وقلت في نفسي .. هلا هلا .. من اولها بطاقه سوا .. شكلها راعية تلفونات المعزبه ><"

وقلت .. عدك والله على الثريا .. بس اكشفي هالخشه .. ابي اكحل عيوني

" ابي اوصف لكم الحدث .. كأنكم معي "

وتضع يدها على النقاب ..

( وتبدء الكاميرا بالدوران من خلف راسها .. مثل تصوير فلم ماتريكس خخخ )

وانا انظر .. والطلق يميني ويساري .. احم احم ما عليش شبكت الموجه

اقصد و يبدأ التصوير بالبطيء .. وانا انظر لها بتلهف والسعابيل تقاطر خخخ

وحين كشفت لي عن وجهها ..

قلت ( ............................................. )


وهي تبسم وتحرك راسها يمين شمال .. والشعر يثناثر على وجهها

وبحركه خطافيه .. اسحب الطفايه اللي جنب السرير

واحذفها عليها بسرعة 85 ميل في الساعة لكنها تحاشت الطلقه مثل " نيو "

انا انقهرت .. وقلت .. والله للعن ابو الساعة اللي جمعتني فيك يا بنت الـ ... طوط طوط

والله وانا اطالعها منقهر .. ومتحسف على المهر ( 70000 ألف ) الله لا يخسر

وقلت لها .. والله لو رايح لسوريا بالفلوس وفال والديها هناك والله انها اصرف لي من خشتك

واقوم .. واروح واجيب لي خيشه .. واغطي راسها خخخ .. وفتحت في الخيشه فتحه على شان تقدر تتنفس

واربط الخيشه براسها .. والف عليها سيم ( علاق ملابس )

عاد انا بغيت احلل المهر .. بس تراجعت في للحظه الاخيرة

ومن بكره .. وانا ماخذها لبيت اهلها .. وقلت لهم

مزوجين مسخ الله لا يبارك فيكم

بالله هذي بنت .. والله لو اني ماخذ لي سرلنكيه استر لي من نمسس اللي انتوا مزوجيني اياه

طلعوا باقي المهر لا اجيب عليكم الشرطة الحين خخخ

وتقولون هيفاء وهبي بعد .. زكيه زكريا اطلق منها الله لا يربحكم

( عرفتوه زكيه اللي يجي برمضان ومع شمس الزناتي اسمه " قعيدي" ابوعجرا الصعيدي )

الزبده .. وانا اقط البنت على اهلها .. وارسل لهم ورقط الطلاق << لا تلومونه .. الصدمه حيل شلت تفكيره ..


**************
ما يستفاد من الموضوع

1-تموت الأسود في الغابات جوعا ً .. ولحم الظأن يرمى للكلاب ُ << قلنا ما يستفاد من الموضوع مو ديوان المقنع خخخ

2- حبك مشمشه .. عذبني ومشا

3- نعيب زماننا والعيب فينا .. وما لزمان عيب ٌ سوانا << هذا وش يبي !

4- لا تثق في ذوق احد .. بل اختر انت بنفسك .. الدعوه فيها شريكة حياتك مو قطعة قماش

5- خلك رجل .. وخش في عين البنت من اول لحظه .. لا تسوي سواتي .تراك بتروح فيها

7- ادري فيه بعض النقاط قويه خخخ .. لكن هذا الواقع .. ولأ تبوني ابرد عليكم يعني !؟

8- ما بغيتوا تخلصونا الله يهداكم << افلقني إذا ما وقفوك على هالموضوع

10 – بالله امحطوه على علباه ( إيقاف اسبوع خخخ )

11 - انا لاني متزوج ولا شي , بس حبيت اتفلسف


والا والله معصي اقول لكم تفاصيل ليلة دخلتي .. هذي كثروا منها



منقول












آخر مواضيعي

0 احدث وصفة لجمال البشرة , ماسك للحصول علي بشرة صحية 2014 , وصفة لجمال البشرة
0 كيفية ازالة سواد العينين 2014 - blackness under the eyes2013 - طرق ازالة سواد العينين
0 خلفيات ايفون كشخة ، اجمد خلفيات الايفون ، صور ايفون بنات
0 اهم انواع شامبو مركزة ، انواع الشامبو ، تركيز الشامبو
0 احدث بوسترات جو اشقر 2014 , صور جواشقر , صور فنانين
0 الفنان محمد فراج سعيد 2013 - Artist Mohamed Farag Said 2014 - صور رائعة لمحمد فراج سعيد
0 صور تويوتا برادو، مواصفات تويوتا برادو مميزة ، اسعار سيارة تويوتا برادو 2014
0 افخم الساعات الرجالى , ساعات للشباب من ماركة dkny 2014 , ساعات شبابية ماركة dkny
0 احدث صيحات مكياج تحفه للبنات 2013 - Makeup masterpiece for girls 2014 - مكياج تحفه للبنات فى العيد
0 نكت هندية خطيرة 2014 - Jokes Indian sweet 2013 - نكت هندية خطيرة


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
ليلة الدخلة , اسرار ليلة الدخلة , نصائح في ليلة الدخلة , اشياء في ليلة الدخلة صعب المنال الحياة الزوجية - زواج - الحمل - مشاكل الزواج 0 27 - 7 - 2012 07:01 PM
للتخلص من خوف ليلة الدخلة عاشورمغوار الارشيف - المواضيع المكرره - المواضيع المحذوفة 0 6 - 7 - 2012 09:22 AM
نقوش حناء ليلة الدخلة 2012 صعب المنال مكياج - ميك اب - تسريحات - عطورات - حناء 1 5 - 4 - 2012 07:21 PM
صور ليلة الدخلة للمقبلين على الزواج ملآك الحياة الزوجية - زواج - الحمل - مشاكل الزواج 0 4 - 12 - 2011 07:19 AM
هل ترحم هذه الفتاة ليلة الدخلة ، رغم خيانتها شاطي الراحة نقاش جاد - نقاش عام - الاتجاه المعاكس 5 5 - 10 - 2011 08:33 AM


الساعة الآن 10:07 PM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول