قصائد مغناة أعجبتني

تعامل الفنان فارس مهدي مع الشاعر القدير / سليمان المانع

في أغنيه من أجمل من سمعت .. بعنوان:

(( حديث النهايه))

عذري خطأ ..دام المحبـه خطايـه
يامن قسيتي..قسوة الخوف والجوع

الحـب مـن رب المخالييـق ايـه
الحب نور من سمـاء الله منـزوع

الحب عندي نزف..ماهـو هوايـه
الحب فوق الكم.. والكيف..والنـوع

الحـب.. ياحبـي وليـد الهدايـه
الحب وعد بهجة الفجـر مـزروع

وقلبي طفل ..غاوي..عديم الدرايـه
يطرد عصافير البراءه بـلا طـوع

خـذاه حبـك وانتهـى بالبـدايـه
ونا اغتربت ولا بقا ..ود ..وربـوع

تكفين من شحن العواطـف كفايـه
الثرثره في نظـرة عيونـك تلـوع

كفى عتب عاقل ..على قلـب تايـه
عنه العتب ..ياربة الحسن ..مرفوع

ودي ..ابوح ..بلوعتي ..وبشقايـه
الصمت بايامي سفر غير مشـروع

وان صرت بأفواه العـواذل حكايـه
فالزين خافي صوت والشين مسموع

الله كتـب للـحـب ذل الوصـايـه
في مجتمع عن حلو الاحلام ممنوع

لو نشتكي ..ما للمشاعـر حمايـه
كم ذبلت ورود وكم طفيت شمـوع

ونفس البدايه ..هي حديث النهايـه
بدموع حبيتك ..وأ ودعك بدمـوع.

تحياتي

باريسي