متابعين خجلي على تويتر
متابعين خجلي على الفيسبوك
|
| LinkBack | أدوات الموضوع | انواع عرض الموضوع |
27 - 3 - 2017, 02:02 AM | #1 | ||||
| اشعار عن الخيول
قصائد عن الخيول خدود فاطمة بنت مختار === حازيتن مثيل الفتايل اللي ولعوهن الشطار === في واسعات الوكايل والا برق برعود وامطار === رقي فوق روى العمايل ومضحك كما عاج صرار === خرط راح ما له مثايل وشفة كما تمر ذكار === تاليس نقوه سايل دور فاطمة وين يندار === زناكيل هيل جدايل جناح حيدبي نام ما طار === ع النوم عنده غلايل عيونها مهاليع وكبار === وفي خزرهن ما تقايل غداري نهار قلع لميار === فوق من ظهور السلايل فيد من نزر دار ما ثار === حسب عد قولات قايل اما نموت منهن ونقبار === والا يخلفن لي علايل ان جت لابسة قشر وسوار === والشال والردا والخلايل وعقد دار ع الصدر دودار === والخد حاضيه جايل والا سوكني سمح كركار === نقاشه نصح مو محايل نموت غير من شبح لنظار === فيه حلو ردع المسايل الفقر شين للحي مكار === ماصخ ثقيل العدايل لو كان عندنا ضين وابقار === ومية لقيح وشوايل نناغم اللي خلفت نار === خلت العامر دقايل حتى كان شياب وكبار === وما نقمحوا م الفلايل نداد سيدها كانا صغار === ثلب لاعبه سهايل نلقان خالها فوق نقمار === ما عرقه في قوايل طويل الثلاثة بلشبار === عريض الثلاثة وخايل ان جيت للظهر فيه تحتار === قبضتين ذيله كمايل وقيون ردعات وقصار === دوب ما تحط الحجايل وحافر مدور علي الكار === ما هاوياته جطايل رضي وجه والذان حضار === اقلام كاتبين العدايل ما ينحرس موش دنقار === رفيع شوف خيله قلايل يشرب من الكرو بخطار === لا سوام لا ظفر خايل وسيع المناهج وصبار === على قول زيدن ولايل جلده كما مور يخضار === وزات فيه دارن عزايل مشبه على لون لنمار === والا ثوب لبس الجهايل ومرقب كما ديك بكار === باذان فجره يشايل المذبح كما طير لبيار === جريده نقي م العلايل الفك فيه يعجب النظار === صفات ما يبانن قلايل سمح القبج وين ما طار === يجيب من غزال الهمايل يقوى علي الصرع بيطار === قلع هابه عون جايل جايب براريم لوبار === نجي م الطزا والشكايل بو عنق وافي المنقار === مكمل جميع المسايل غثيثه علي منكبه دار === زدوات كيف جدل الجدايل
يبرم كما برم دوار === في العبد دارن هوايل لو ماسكه قيد لا هجار === لو ماسكاته حبايل يتل في الرساوي بلنصار === مو م اللطاف القلايل ولا يمسكه شي لا ثار === مفيت الحديد السفايل م الشعير في شهر ينار === على نخرته للقوايل ويرجف كما رجف بندار === ان قرن المحمر تخايل ويقحز كما قحز زكار === يشيل في الحصى بالنعايل يفور فورة القدر لا فار === منين ينشكل بالشكايل يجز اللبب وين ما غار === مشواره يحيد الغلايل ذيله عل السرج بعثار === اصيل مو م النجايل رفيع الثمن موش محقار === وهو مدوره لالف طايل تجي قصته بين لنظار === تومي ان جا ديه شايل يلحق اللي بالسبق طار === ان فزعن اوراحن ذبايل وسيده بعد صار ما صار === اللي يضربه يطيح مايل ما فيه يلحق القطار === دمه علي لارض سايل وله بيت للحاج والجار === سبيل في سنين الكلايل كوازين للضيف ع النار === وخدم يخدمن في القوايل فيهم اللي جاي سيار === وفيهم اللي حول طايل وفيهم اللي يدور دوار === ومع كل خرمة هتايل منهل عل لرض يذكار === يجنه على قول قايل يمشن روايا وصدار === واجدات والا قلايل وميصورها فوق هدار === نهار شيلها في شوايل بتاتا كم طهم نوار === من قو سيل بعد المحايل هي فيه توقد كما النار === عيونها يضرن قتايل سبحان كيف صور الصوار === في جبينها والمسايل هدو فوق صمعة على دار === يبرم بشغل النعايل وكان جيتا تعرف الكار === حشاها كلام الزلايل لاي من كثيرات لسفار === ولاي حايسة في العدايل تتاقي علي الذم والعار === بنت بيت ماي م الوذايل اللي طالها بات م النار === مشفوع في نهار الهوايل طاف ع الجبل جدها زار === وفروضه قضىبالكمايل
المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء | ||||
مواقع النشر (المفضلة) |
الكلمات الدلالية (Tags) |
اشعار عن الخيل, شعر عن الخيل, قصائد عن الخيل, قصيدة عن الخيل |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اسعار الخيول في السعودية | صعب المنال | كرة القدم - رياضة متنوعة - اخبار رياضية | 0 | 8 - 3 - 2015 03:22 PM |
نظام جدارة 3 , رابط الدخول جدارة 3 , صفحه الدخول في جدارة 3 , موقع جدارة 3 | صعب المنال | اخبار عامه - سياسيه - اقتصادية - عالمية - متنوعة | 0 | 25 - 2 - 2014 02:21 PM |
الطفل الخجول 2015 ، طريقة تربية الطفل الخجول 2014 ، علاج الخجل عند الأطفال 2013 | أعماق السكون | التربية - الطفل - الرضاعة - العنايه بالطفل | 0 | 3 - 5 - 2013 09:50 AM |
تعديلات جديدة لدخول الامارات , تعديلات على الدخول للامارات اكثر من مرة , شروط الدخول للامارات | صعب المنال | اخبار عامه - سياسيه - اقتصادية - عالمية - متنوعة | 0 | 9 - 11 - 2012 12:06 PM |
الطفل الخجول , كيف تتعامل مع الطفل الخجول , معاملتك مع طفلك الخجول | عروسة الخليج | التربية - الطفل - الرضاعة - العنايه بالطفل | 0 | 18 - 7 - 2012 12:59 AM |