اهديتني جرح موجعني و عاجبني

وشلون ابنسي

تِدْرِي مِتَى بِتِعْرِفْ قَدْرِي وْ تِفْقِدْنِي ؟
لاَ رِخَصْتْ نَفْسِكْ لِشَخْصِِ مَا يِرَاعِيهَا

بُكْرَهْ لاَ هَمْلُوكْ النَّاسْ تَذْكِرْنِي
وْ تِقُولْ عِزَاهْ عِينِي مِنْ يِدَارِيهَا ؟

مَدَامْ غِيرِي عَلَى قَلْبِكْ { مِشَارِكْنِي }
وِشْ هُو لَهْ أَعَلِّقْ الآمَالْ وْ أَبْنِيهَا ؟

يَكْفِينِي إِنِّكْ رِحَلْتْ وْ مَنْتَ { عَايِفْنِي }
هَذَا عِزَا النَّفْسْ مِنْ كِثْرَة بَلاَوِيهَا

أَهْدِيتِكْ دُمُوعْ مِنْ طَعْنِتِكْ تَحْرِقْنِي
وْ إِنْتَ إِللِّي تِسْتَاهِلْ الدِّنْيَا وْ مَا فِيهَا

وْ أَهْدِيتِنِي جَرْحْ مُوجِعْنِي وْ عَاجِبْنِي
لأَنَّ الهَدَايَا عَلَى مِقْدَارْ مِهْدِيهَا

صَحِيحْ { حِنَّا انْتِهِينَا } بَسْ صَدِّقْنِي
وَاللّه إِنِّكْ تِبْقَى { هُوَى رُوحِي } وْ غَالِيهَا

مَفْضُوحْ رَاعِي الهِيَامْ وْ نَظْرِتَه تِغَنِّي
مَلاَمْحَه وَاضْحَة فِي وَجْه رَاعِيهَا

لِكُلِّ دَاء ٍدَوَاءْ لُو هُو مِتْعِبِنِّي
إِلاَّ مَحَبِّتِكْ عَيَّتْ مِنْ يِدَاوِيهَا ‎

إِنْ قِلْتْ عَلِّمْنِي أَنْسَى ؟ لاَ تِعَلِّمْنِي
دِنْيَايْ لاَ مِنْ نِسِيتِكْ وِشْ تَالِيهَا ؟ ‎

فَارَقْتِنِي وْ ضَحْكِتِكْ عَيَّتْ تِفَارِقْنِي
وَاللّه يِلْعَنْ أُبُو الفَرْقَا وْ طَارِيهَا

مَقْدَرْ أَفَكِّرْ بْغِيرِكْ وْ إِنْتَ عَارِفْنِي
عَشَانْ حَاجَة بْقَلْبِي مَقْدَرْ أَخْفِيهَا ‎

أَخَافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا ‎

نِشَدْتْ عَنِّكْ وْ سِمَعْتْ إِللِّي {يِفَرِّحْنِي}
وْ يِرْتَاحْ صَدْرِي مِنْ هُمُومِِ يِحَاتِيهَا

تَبِي تَعْرِفْ وِشْ عَلَى الفَرْقَا مْصَبِّرْنِي
إِنِّكْ بْخِيرْ وْ حَيَاتِكْ مِتْهَنِّي فِيهَا

المصدر: منتديات خجلي - من قسم: شعر - قصائد - قصايد صوتيه - همس القوافي - قصائد الشعراء

عذبتني وحدتي

الله بصراحه راقت لي تشكيرات (وشلون ابنسى) ع هالموضوع
اليييييييييييييييييييييييييييييييييييييييييييييييي يييييمه بحجم الكون

المايسترو

تَبِي تَعْرِفْ وِشْ عَلَى الفَرْقَا مْصَبِّرْنِي
إِنِّكْ بْخِيرْ وْ حَيَاتِكْ مِتْهَنِّي فِيهَا

ابداع رائع

وطرح يستحق المتابعة

شكراً لك

بانتظار الجديد القادم
دمت بكل خير

وشلون ابنسي

الله ليحرمني من طلتكم الحلوة نورتم موضوعي الف شكر لكم...

سهر الليل

الله يعطيك الف عافيه على هالمتصفحه الرائعه

ولكن اسمحلي ياخوي مكررر


أهديتني جرح موجعني وعاجبني

وشلون ابنسي

مشكورة يا الغلا ع اسعدني حضورك ومرورا الف شكر لك

اسف ع تكرير الموضوع تحياتي لك...