متابعين خجلي على تويتر

متابعين خجلي على الفيسبوك

 


العودة   منتديات خجلي > شعر - نثر - خواطر - قصائد - قصة - رواية - ثقافة > شعر - قصائد - قصايد صوتيه - همس القوافي - قصائد الشعراء

إضافة رد
 
LinkBack أدوات الموضوع انواع عرض الموضوع
قديم 23 - 9 - 2011, 03:03 AM   #1

معجون سنسوداين
خجلي رائع
Mouse اشعار عن اليوم الوطني للسعوديه



اشعار عن اليوم الوطني للسعوديه


اشعار عن اليوم الوطني,قصائد عن اليوم الوطني,مختارات عن اليوم الوطني,اليوم الوطني2011

اليكم بعض القصائد والاشعار التي كتبت في الوطن الغاااالي

دام عزك يا وطن

اشعار لوطني الغالي

ِ
يقول الأمير خالد الفيصل:

لاح يوم الوطن والعز لاح وكلمة الله على البيرق تلوح
يوم الاسلام يا يوم الفلاح والوطن كل روح له تروح
فوق الايمان ركبنا السلاح والمقابيل بالخافق تبوح
الله اكبر مثل ضرب الرماح سيلت في خفى الباغي جروح

وفي رائعة أخرى يقول:
البست شعري غترة وبشت وعقال وخليت تغريب المذاهب لغيري
في ساحتي للفكر مليون منهال وبحري بمكنوز المعرفة غزيري


* وهذا مهندس الكلمة الامير بدر بن عبد المحسن في احدى قصائده يقول للوطن:
عزنا الاسلام هو غاية فخرنا فيه سر وجودنا ونموت دونه
أرضنا ارض الذهب وانقى المذاهب والرجال اللي عهدهم يحفظونه

* ومن قصيدة أخرى يقول:
«صرخة» ذكرتك يوم واليوم مو عود لجل الوفا لراعيك موفي الوعايد
كني بوقت راح حاضر وموجود في يوم عشاة المجد.. عله هايد
وكن «المربع» توه اليوم مشيود جدران طين اطمام سقفه جرايد
قصر بنى للعدل والطيب والجود سوره ذرا للناس وفرشه وسايد


* كذلك من قصيدة أخرى يقول:
الله الاول وعزك يا الوطن ثاني لأهل الجزيرة سلام وللملك طاعه
حنا جنود الحرس للقايد الباني رمحه.. ودرعه وكف الشيخ وذراعه


مثل السيوف البواتر وان جنى الجاني يضرب بها ارقاب من بالدار طماعه
من بان عبد العزيز وصبحنا باني ما عاد نقبل ضلام الليل لوساعه
في السلم يشهد لنا عمر الاوطاني وفي الحرب لارواحنا للموات بياعه



* ومن رائعة أخرى يقول الامير بدر بن عبد المحسن:

أرفع الراس يا الحر القطام واكثر الحمد.. للي صانها
انت فالمجد لك راس السنام وعزة الناس من اوطانها


انت الاول اللي سل الحسام وقالوا الخيل من فرسانها
الفخر لك ولا تسمع كلام لا يهمك حكي عدوانها
ديرتك من عشقها ما يلام ويغضب الله على من خانها



* ومن قصيدة للأمير محمد الاحمد السديري:


ياللي لكم في منبر المجد محراب نلتوه من عقب الكدر والمصايب
نلتوا رفيع المجد بسيوف وحراب وعدوانكم شافوا كثير الغلايب


بحزم ولطم فيه تقطيع الارقاب وعزم جلاميد الصخر منه ذايب
وحرب مرير فيه تقتيل الاشناب يقلب شعر راس الولد منه شايب
يشهد لهم بالطيب من وسط الاصلاب والحي واللي حد رعوج النصايب
صفوة هل العوجا مهدين الاصعاب تارد حياض الموت ورد الجلايب

* ويقول الامير سعود بن بندر بن محمد رحمه الله:


مشتاق لك يا كل ما في بلادي شوق الرياض للسيل وادي حنيفه
رغم الفراق وطول وقت البعادي حبك يزيد ولهفتي لك عنيفه
ولهان لك وله الحضر والبوادي لخضرة ربيع ضاحك الوجه ريفه
عطشان اشوفك مثل كل وادي ثراه ضامي للحيا عقب حيفه
يا نجد لك منزل بداخل فؤادي يشبه جبال طويق هاك المنيفه
يا ليت والله ديرتي في مرادي او ليت قلبي دايم يطيع كيفه




* ويقول الشيخ محمد بن ابراهيم «الوافي»:


راية الاسلام بالعز منصوره
ودولة التوحيد بظلال قايدها
شرعنا الاسلام من عهد اخو نوره
البلاد اللي على الشارع وحدها
من بحر جده الى راس تنوره
ومن ورا الخرخير لطريف وحدها
الامام اللي مساعيه مشكوره
سيرة المختار جاهد وجددها
بعد مية عام من وضع دستوره
كل شبر سيرة الليث جودها
يالله انك تسقي العود وقبوره
واحفظ الباقين في عز وايدها
اسرة في نصر الاسلام مشهوره
السعود الله ينصره يساعدها
يا ذرا الشعب السعودي ويا سوره
الولايه والعهد لك نجددها
يا البلاد اللي على الخير مفطوره
ما احد ينكر جهودك ويجحدها
اسمها يعرف على كل معموره
حاكم كل المشاريع شيدها
نهضة بالمملكة صارت اسطوره
والمعارف صار بالعلم رايدها
المعارف اول انتاج باكوره
بصمته في كل حاجه تقلدها
في سماء مكة وطيبه طلع نوره
شامخ في خدمة الدين يجمدها
دارنا في كل الاقطار مذكوره
وكل مسلم يحترمها ويقصدها
ما أحد سوى سواته ولا دوره
سيرته بالخير كل يرددها
الفهد واخوانه الفعل والصوره
مانحصر افعالهم لو نعددها
امرنا شورى وراضين في شوره
ومملكتنا في ولانا نعاهدها
من نوى تخريبها تقصر شبوره
يحترق في نارنا اللي يهددها
من يجرب جربنا يقصد شعوره والله انه لو سلم ما تعودها

* كذلك يقول عبد العزيز عبد الله السناني:
هذا الوطن والعدل يلبس شعاره
بيرق بلدنا في سما المجد خفاق
دار غدت بالدين نور ومناره
في ظلها تولد مفاهيم الاخلاق
وجهي سعودي ولكواكب مزاره
طموح جاوز بالزمن حد الافاق
ياحظ من هو دار الامجاد داره كل القلوب بحبها تمطر اشواق

* ويقول الشاعر أحمد الناصر الاحمد:
زان القصيد وقيمت الشعر لا زان
انك على اللي يعشقونه تذيعه
يقولها الي عارف كل الاوزان
نظم الشعر عنده من الله طبيعه
جال النظر والفكر في كل الاوطان
والله ما يوجد بكل الوسيعه
دوله سحابه خير واشجار امان
دوحة رخا في ظل حكوم الشريعه
اعني السعوديه لها المجد عنوان
معروفه في منزلتها الرفيعه
الشعب والقادة يعلون الاركان
كل الوفاء بارض الجزيرة جميعه
ان جيت لداخل ولا الشعب فرحان وان رحت بالراء شفتها بالطبيعة

* ومن رائعة اخرى يقول:
همست كتاب للأحبة رقيقه من خاطر يهوى القصائد والاشعار
هذا الوطن للمجد وجه طريقه واجب علينا نفرش الدرب بازهار
ذخر مشاريع الوطن بالدقيقه كثر الدقايق عندنا انجاز واعمار

* وهذه قصيدة للوطن من شعر نوال الراشد:

مرحبا بالحرف في حب الوطن مرحبا واغلى تراحيب القصيد
يا بلاد في ذرا العليا سكن منبع للنور والمجد التليد
هو غلاك اللي كسب روحي رهن او دريت العمر في حبك يزيد
بانقش الشيله من حروفي لحن كان يكفي او تبي دم الوريد
في ترابك كم لهت كفي زمن ذكريات كنها لي يوم عيد

* ويقول الشاعر عبد الله السلوم رحمه الله:
اليوم هو يوم الوطن يوم الافراح
يوم تجلى فيه معنى السعاده
يوم غلاه مداخل كل الارواح
في كل عام يزيد حبه زياده
له قصة توج هدفها بالامداح
متلاحم فيها الوطن والقياده
قصة بطلها ما توقف ولا ارتاح
حتى بنى مجد الجزيرة وشاده
حر يباريه السعد وين ما راح
ان شاف طير يدرج الحوم صاده
ياما سهر لين ابلج الصبح ينباح ما حط راسه فوق لين الوسادة


يوم الوطن
خالد بن عبيد الأحمدينضمت في يوم الوطن تسعة ابيات
ولو جبت مية اعتبرها قليله

في وصفها حبه تشح العبارات
حبر القلم يفنى ويفنى عديله

هو حضننا الدافي لنا فيه فيات
فيه الذرا وقت الليال المهيله

والفضل بعد الله ولاهي دعايات
للحاكم الصالح نشيل الجميله

عبد العزيز اللي يحوش البطولات
نوفيه حقه حاجتن مستحيله

عاش البلد بعده تطور ونهظات
والامن هذا ما ليقينا مثيله

طوى سجلات الجهل والعدوات
الشعب واحد صار كنه قبيله

اسس وطن من عقب ماهو تشتات
وثبت حدوده با لسيوف الصقيله

هذا هو الموجز و في تسعة ابيات
والتسع والميه صراحه قليله

ودام عزززك ياوطن

مع التحيه













آخر مواضيعي

0 تتوقعون شنواللي في الصورة
0 كرامتك
0 كلمة أحبك ب 100 لغة
0 صور لمراد علمدار بطل وادي الذئاب
0 لن أقول لك {أحبك}
0 الفرق بين البيت السعودي والبيت السوري اذا انطفت الكهرباء
0 حلا تشيز الكيري
0 لماذا يكون الكتمان هو الحل
0 خلفيات بلاك بيري
0 20 ألف أمريكى يعتنقون الإسلام سنويًا


  رد مع اقتباس
قديم 24 - 9 - 2011, 07:51 PM   #4

...& فوضويهـ &...
خجلي فعال
افتراضي رد: اشعار عن اليوم الوطني للسعوديه



يسلممممممو والله يعطيك العااااااافيه

وكل سنه وحبيبتنا السعووووديه بخخخخخخخخخير










آخر مواضيعي

0 ابي ترحيب حار
0 صرِتْ أعبّرعنْ جُ‘َروحِي ب [الڪَلامْ] وقُمتْ أحِ‘َس إن [الحِ‘َزِنْ] شخصٍ عشقني..!


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
صور اليوم الوطني ، اليوم الوطني للمملكة العربية السعودية ، اليوم الوطني 2012 إنسان منكم صور - كاريكاتير - مناظر - خلفيات - طبيعة - صور منوعه 8 2 - 10 - 2011 10:57 PM
صور رمزية اليوم الوطني ، هيدارت اليوم الوطني استاذ الغرام مسنجر - ماسنجر - توبيكات - توبكات - صور ماسنجر - ثيمات ماسنجر 2 22 - 9 - 2011 10:22 PM
سيارات اليوم الوطني , صور سيارات اليوم الوطني 2012 ملآك سيارات - دراجات - Motorcycles - Cars 1 20 - 9 - 2011 09:32 PM
قصائد اليوم الوطني , شعر اليوم الوطني ملآك شعر - قصائد - قصايد صوتيه - همس القوافي - قصائد الشعراء 3 17 - 9 - 2011 12:54 AM
موقع احتفالات اليوم الوطني , اماكن الاحتفالات باليوم الوطني ملآك اخبار عامه - سياسيه - اقتصادية - عالمية - متنوعة 1 16 - 9 - 2011 03:56 PM


الساعة الآن 04:38 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول