متابعين خجلي على تويتر

متابعين خجلي على الفيسبوك

 


العودة   منتديات خجلي > شعر - نثر - خواطر - قصائد - قصة - رواية - ثقافة > شعر - قصائد - قصايد صوتيه - همس القوافي - قصائد الشعراء

إضافة رد
 
LinkBack أدوات الموضوع انواع عرض الموضوع
قديم 27 - 3 - 2009, 10:14 PM   #1

الــ غ ــآمــض
خجلي جديد
Post معركة طلال العظيمه 1290هـ



وقعة طلال العظيمة عام ( 1290 )

ذكر ابن عيسى في كتابه عقد الدرر فيما وقع في نجد في آواخر القرن الثالث عشر وأول الرابع عشر

تاريخه مانصه سنة 1290 هـ عن وقعة طلال :

ولما كان في ربيع ثاني من هذه السنة خرج سعود بن فيصل من الرياض بمن معه من الجنود من البادية والحاضرة واستلحق غزو البلدان ، واستنفر من حوله من العربان فاجتمع عليه خلائق كثيرة فتوجه وقد مصلط بن ربيعان ومن معه من عتيبة وهم على طلال الماء المعروف فصبحهم سعود بمن معه من الجنود وحصل بينهم قتال شديد ، وصارت الهزيمة على سعود ومن معه وقتل منهم خلق كثير ومن مشاهير القتلى : سعود بن صنيتان ومحمد بن أحمد السديري أمير بلد الغاط وعلي بن ابراهيم بن سويد أمير جلاجل ومن أهل شقراء : فهد بن سعد بن سدحان، وسعد بن بن محمد بن عبدالكريم البواردي ، وصالح بن ابراهيم بن موسى بن فوزان بن عيسى ، وسليمان بن عبدالله بن خلف بن عيسى وعبدالعزيز بن أحمد بن منيع . وأخذ العتبان منهم الركاب والسلاح والفرش والامتعة شيئا كثيراً...انتهى كلامه


اما المؤرخين الذين ذكرو المعركه بأيجاز فهم :

)1- ابن عيسى في كتاب (عقد الدرر))
2- البسّام في كتاب ((تحفة المشتاق ))
3- العثيمين في كتاب ((تاريخ المملكه العربيه السعوديه ))وهو كتاب يدّرس كمنهج في الجامعات السعوديه.
4- العطّار في كتاب (صقر الجزيره)
5- ابو عليه في كتاب (تاريخ الدوله السعوديه الثانيه)
6- المؤرخ والكاتب الانجليزي جون فيلبي في كتاب (تاريخ الوهابيين




ومن قصائد معركة طلال:



1- قال الشيخ شليويح معلقته الشهيرة التي تعد من عيون الشعر النبطي والتي علقت في اذهان سكان الجزيرة العربية وقد اعجبت تلك القصيدة الامير مسلط , يقول شليويح في معلقته :




اول كلامـي طلبتـي ذكـر الله
ماني عن الرب الكريم غنـاوي
أغفر ذنوبي يـا محـل ذنوبـي
ان كان في بدع كلامـي غـاوي
مانيب من يمدح بقولـه لسانـه
ولا ني على عشق البني هواوي
على طلال الصبح خيـل مخيلـة
تاصل سناويها الـى المطـاوي
وبروقها الهند ومصاقيل العجـم
ورعودها البـارود والعـزاوي
وتمطر بعطشان المحبب والقنـا
والها بروس الخيريـن تعـاوي
جانـا سعـود مسيـر بجنـوده
معه الدويـش ولمـة البـداوي
ومعه جموع سبيع واهل العارض
وصبيان يام وبيرق القصمـاوي
ثمانيـة الاف عـداد جموعهـم
بلـوى وربـي يدفـع البـلاوي
وحنا ثمانمائة عـداد جموعنـا
ماش اجنبي فينـا ولا برقـاوي
الاد روق اللـي عريـب جدهـم
لاجا مـن الحكـام رد بـراوي
ندّب علينا شيخنا ابـن محمـد
ثم انتهض مثل العقاب النـاوي
عودٍ تعطف في ظهـر جلومـز
جلومزٍ مثل القضيـب الهـاوي
مترفـعٍ عنهـا اللحـم بعلوهـا
شعلاً شعـاع شعلّـةٍ شعـلاوي
وصحنا عليهـم ثـم عاونـا الله
لين انها صـارت لنـا منـاوي
ياظفرهـم لاقـرب الله دارهـم
وحنا عليهم مثـل نجـمٍ هـاوي
لكن سربتهم اليا اوجهنـا بهـم
شـراد ريـم مـع حمـاد داوي
لكن سربتنا الـي اوجهـوا بنـا
زمولٍ مخزمة علـى الكـراوي
وطلحه نحوا عنا ببريه يسارهـم
وتعاقبوا دهم العـروق هـداوي
كن الجنايز في نحـاوي طلحـه
جدع الخشب فالوادي السنـاوي
وحنا تلاقينـا بسربـة علـوى
وساع الطعون مطوعين الغاوي
ونخيت مزحم سعد منهم ربعـه
يوم اللقـا زادوا ورا الهقـاوي
ردوا يمانيهـم لكـل مـجـرب
ياما خذوا من روح كل مسـاوي
نضرب بسلات الهنادى روسهم
ونقصم مثانيهم مهيب سطـاوي
ونرخي فيهم حد كـل موصلـة
في فعلها يحتـار كـل مـداوي
وارويت مذلوق القنا من خيلهـم
والشيوخ ما صدوا لها نحـاوي
ومنعت سلطـان البعيـر بينهـم
يوم ادبحـوا شرابـة القهـاوي
يارب تنجـي وتنجـي سابقـي
اللـي تزبنـي عـن الاهـاوي
ما يلحق العنان هامـة راسهـا
ياكود يركيها علـى السنـداوي
مضرب يديها في صليب الرقـه
تاخذ من ادنى الحزم كبر الشاوي
قبٍ من الزلبـات وا فٍ عدهـا
بنت الاصيل وركضها فجحـاوي
ابرهـا وام العـيـال تبـرهـا
تشرب حليب الفاطر الجنفـاوي
تطلعن يالبيض فـي مركاضنـا
وصلت كسايرهم الى الحجنـاوي
وعزي لهم لولا اسمر في خيلهم
يهوي علينا اهوايـة النـداوي
لا رحم ابو من صد عن محرافها
يوم انجلاع الستر عن مضـاوي
نطعن لعين اللي تهـل دموعهـا
تبكي وفي تالي البكـا نخـاوي
تقول ياالظفران مـن عاداتكـم
هوشوا عسى يبقي لنا شـلاوي
ونطعن لعين اللي تجـر حنينهـا
عفـرا تبـا صيفيـة المطـاوي
قلت ابشري بالفك ياحـم الـذرا
دام الطعـن يفـك والاهــاوي
تزبنـوا عنـا قصـور عنيـزة
لين احتماهم بيرق القصمـاوي
ترعى بنا عوج الركاب وتنثنـي
ماحدرت حسلة الى الحجنـاوي
والمدح لله ثـم نسـل محصـن
عسى لهم عند الالـه عـراوي
ذوي ثبيت اهل المناخ شيوخنـا
واهل الكرم والمنزل المتسـاوي
سواقة المغتـر علـى الحرابـه
يوم الحريب عن الحريب يلاوي
يا مسوي الفنجال عده لمـدوخ
واثنه لابن صـلال والجـلاوي
وانا زبون الحرد ابو ضيف الله
لا قصر البرطم عـن الشفـاوي
وانا احمد الله يوم انا من لابـه
ماهم بقطمان اليديـن شـواوي





2- قصيدة شليويح ابن ماعز العطاوي ويقول فيها:




الا يالله تغفر لـي ذنوبـي
تغفر لي ذنوبـي والاثـام
كان اني ما اتقفى الغافلين
ولا اسب الاجاويد الكـرام
هجدنا النذير بهـود ليـل
وحنـا هاجعيـن بالمنـام
والشردان اشاروا بالرحيل
والظفران اشاروا بالمقـام
واقمنـا وبنينـا الخـيـام
وكل دونها لبـس الحـرام
يوم سعود جانا بالدويـش
جاب مطير مع صبيان يام
واهل سدير والسبعان معهم
والعجمان يقداهـم حـزام
والقصمان جونا من يميـن
يبـون المبانـي والجهـام
والدمـام دقـوه العبـيـد
ونور الشمس غاطيه الغمام
وشافونا وجونا سارحيـن
والله مانوونـا بالـرحـام
ولجن العـذارى بالصيـاح
شافن الجموع الها ادحـام
ورمن بالبخانق والهـدوم
وينخن بالجدود وبالاسـام
وردينا لدهمـان السيـوف
وسود الشلف كاسرة العظام
ومركاض يسر الناظريـن
ترعابه مرودنـت السنـام
لاتبكـن يابيـض النحـور
عان الفعل في ولد الامـام
دون البل مكرمت الضيوف
بعنا الروح بيـع مايسـام




3- وقال شليويح في هذه المعركة ايظن:




جـانــا الـنـذيـر عـصـيــر
سرور شوق اللي حوى الراس بقران
يقـول جاكـم واحــد مايسـايـر
طاغي وظالم مانوى فيكـم احسـان
سعود جا مـن يمـة الشـرق فايـر
بصبيان يـام مرجحـة كـل ميـزان
معهم هل العارض وسبـع الجزايـر
ومعهم بريه وغيرهم جمـع دوشـان
وردوا لـراي مذربيـن البصـايـر
وقلنا على الله مانبا غيـره اعـوان
وسقنالهم جمـع يشـوق النضايـر
وموحدين اللـي ليـا وحـد اعـان
وبعد صـلاة الصبـح والعـج ثايـر
لين اتقى راس النجج عقـب مابـان
وخيل وسـط خيـل وخيـل تخايـر
وخيل مرزنهـا غنيـم بـن شبـلان
كنه ليا اعرض في وجيـه الجرايـر
يمنع هذولا عـن هـذولا بقرعـان
وراحولنـا مـع قـدرة الله نحايـر
عقبان نجد اللي يقـدون الاضعـان
جوا بالجرايـر وانكفـوا بالخسايـر
خسايـر مـا تنتعـوض بالاثـمـان
والله مـا اذم متيهـيـن العشـايـر
لكـن ضاموهـم عطيبيـن الاكـوان
الـدم سايـل فـي وجيـه الكسايـر
وراحت سربهم كنها جـول غـزلان


4- وقال الشاعر سهاج بن غلاب بن ربيعان هذه القصيده :





جانا النذير سرور وسعود جا اليوم
يقدا الجموع الضاريـات المهيلـه
وبقدرة الله راحوا اشتات وقسـوم
عقبان نجد اهل الفعـول الجليلـه
بدر الدويش اللي من العام مسموم
مبط يحايلنـا علـى كـل حيلـه
ماخلقت الدنيا ولا الدين في يـوم
واللـي تمنـى حربنـا نعتديلـه
يوم من الجمعه على هلـة التـوم
عج الرمك كنه عجـاج المخيلـه
سقنا لهم جمع من الغيض مزحوم
مثل الخيال اللـي ثقيـل مخيلـه
اولاد روق اللي كما دولة الـروم
مروية حدب السيـوف الصقيلـه
ومركاضنا من عقبه الجمع مثلـوم
ولبس الحداد اللي ينقض جديلـه
ومن طاح لاراحم ولاهوب مرحوم
بموصـلات بالعـروق الطويلـه
والكبد ماذاقت من الـزاد مطعـوم
ليـن انكفتهـم خيلنـا فالدبيلـه
ويا طير ياللي فالسما تكثر الحـوم
عان السدارا روسهـم فالمسيلـه
وفهد ولد سدحان في مذبح القـوم
وراعي الرويضه ما لقا من يشيله
الذبـح تسعميـه وزود بلمـلـوم
عود من الروسان ربـي مزيلـه
وراك يالملوم تخمـر مـع القـوم


ما جا من الله ما معي فيـه حيلـه



5- و قال سهاج قصيدة منها:




هاضتني جموع المسلميني
جونا مثل عمدان الجـرادي
جونا من يسار ومن يميني
والدمام من صبحه ينـادي
يالله ياشفيـع المومنينـي
روس الحضر نطلٍ فالمنادي
خل العرد درعات الحنينـي
ترعى من طلال الى الثنادي




اخوكمـ
الــ غ ــآمــض













آخر مواضيعي

0 شوف الفلفل مطلع لسانه
0 سجل حضورك بأسم أي عضو
0 اختر لنفسك حكمة !وقول لنا عنها ؟
0 حال الاولاد لما تكلمهم بنت>> روعه
0 صورة بعد رحيل كوزمين
0 توبيكات ولى احلى
0 ذكرى كأس العالم عام 2006
0 تخيــل....!
0 ~{ قالوا الفرج عقب,, !! الصبر قلت الصبر همٍ دفين }~ْ
0 معركة طلال العظيمه 1290هـ


  رد مع اقتباس
إضافة رد

مواقع النشر (المفضلة)

الكلمات الدلالية (Tags)
1290هـ, معركة, العظيمه, طلال

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
غرفة نوم الاميره ريم الوليد بن طلال ملآك ديكورات - اثاث - غرف نوم - مطابخ - حمامات 5 9 - 12 - 2011 05:43 PM
كشتة الوليد بن طلال عذاب الشوق صور - كاريكاتير - مناظر - خلفيات - طبيعة - صور منوعه 8 9 - 9 - 2011 07:08 PM
طلاء اظافر فرنسي ملآك ازياء - فساتين - موضة - صور ازياء - اكسسوارات 2 24 - 8 - 2011 12:11 PM
احلى طلاء اظافر كل مافيني جريح عالم حواء - العناية بالبشره - رشاقتك - شعرك - تبييض البشره 4 9 - 8 - 2011 01:19 AM
الأمير 0خالد 0بن طلال 0شقيق0 الوليد 0بن طلال وحوار الصامدة اخبار عامه - سياسيه - اقتصادية - عالمية - متنوعة 9 27 - 6 - 2011 02:27 PM


الساعة الآن 01:57 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول