متابعين خجلي على تويتر

متابعين خجلي على الفيسبوك

 


العودة   منتديات خجلي > شعر - نثر - خواطر - قصائد - قصة - رواية - ثقافة > شعر - قصائد - قصايد صوتيه - همس القوافي - قصائد الشعراء

إضافة رد
 
LinkBack أدوات الموضوع انواع عرض الموضوع
قديم 3 - 9 - 2013, 05:49 PM   #1

صعب المنال
خجلي موهوب
افتراضي قصيد حب شعريه 2014 , قصائد حب شعريه 2014 , اجمل قصائد الحب 2014



يايمه كيفها حالك انا حالي غدى احزان
عقب مارحتي يايمه غديت بكل متاهاتي

يايمه جابني شوقي وقلبي لشوفتك عطشان
مشيت دروب يايمه وطالت بي مسافاتي
اناشوقي زها بصدري مثل ما ورق الاغصان
خذاني الشوق لك يمه وزود فيني لوعاتي
يايمه جيت ابي حضنك وابي عطفك مع
التحنان
ابي ابكي على صدرك الين اجف دمعاتي
وابي اقبل جبين شع ومواطن تحتها الغفران
ابي اصرخ واخليها تكسر حزن عبراتي
ابي اسولف لك انتي وبس سوالف تروي الضميان
بقول اللي حصل لي من رحلتي يابعد ذاتي
ابندب حظي العاثر وبحكي كان ياماكان
عن ايام مضت ودي تعود لي بمناماتي
ابي اسولف واقول امي واملي بصيتها الاكوان
من حقي اسولف عنك يا ناري وجناتي
من حقي اقول امي واحكي والحكي اشجان
ومن حقي اتنومس فيك يا اول بداياتي
ابي احكي واسولف عنك يا اغلى من الوجدان
ولكن الحكي وقف وخانتني عباراتي
الا يالعنبو كل المعاني وقفت قصران
متى توفي واسولف عنك يا امي يا اغلى نشواتي
انشهدكل شي عقبك غدى باهت بدون الوان
فقدت الحب والتحنان ومعها كل راحاتي اشوف الحزن جايركض على قلبي وهو
ولهان
بيحرق مابقى بقلبي وينثر باقي رفاتي
ذبحني الشوق يايمه وعقبك صرت انا تلفان
قتلني بعدك الظالم نحر فيني سعاداتي
غيابك فجر بقلبي زلازل زوبعه وبركان
صفير الريح في جوفي كوتني وزادت آهاتي
حياتي انتي ونور القلب والاعيان
ضناني الشوق لك يمه وانا مدري وش سواتي
بعد ماغبتي يايمه نحر فيني الزمان ازمان
الا يامن يرجع لي زمانن ولى وفات:ي:
ماكنت احسب لموتك يابعد ناسي ابد حسبان
رحلتي في الخميس واصبح يتيم مثل حالاتي
في ذيك الليل سولفنا والحكي نشوان
ضحكنا ملء هالكون ولا ندري وش الآتي
جلست اوكلك بيدي وشبعتي يابعد من كان
مسحت شفاك وبستك وقلت رضاك غاياتي
مسكت ايدي وقالت عسى تزهد بها النيران
وانا قبلت مابين العيون وقلت ياذاتي
عساني ماني من اللي بدل الطاعه لك بعصيان
رضاك يهمني والله وهو آخر محطاتي
وفجأه كل شي صار قلب ذاك الفرح احزان


خذاك الموت من يدي وانا ابكي كل لحظاتي
سليت الموت يايمه وخذاني عنه النسيان
واثاري الموت ماينسى وهو هادم ملذاتي
ياليت الموت لولحظه صبر ما غمض الاجفان
ترك لي امي اقولها بقايا من حكاياتي
حضنت امي وانا ابكي واقبل كل شي بان
رجيتك لاتخليني خذيني بكل حالاتي
رجيتك يابعد كلي وكلي لك غدى شفقان
انا ودي املي منك يمه كل نظراتي
بكيت وصحت بأعلى الصوت انا الهايم انا الغرقان
انا اللي في متاهاتي شرقت بكل غصاتي
الا ياجرحها كبدي بعد مالفوا الاكفان
وراحت مني وغابت وصارت هي نهاياتي
هجرني الفرح يايمه وصرت اعيش انا بحرمان
بكيت وزادت العبره وشقت صدري وناتي
احس اني اعيش بكون فاضي مابه اي انسان
احس بوحشه الدنيا بعدها كل شي ماتي
دريت ان الفرح كذبه وحكايه مالها عنوان
وعرفت ان الزمن غادر ذبحني بصمت وسكاتي













آخر مواضيعي

0 يوتيوب دعاء الحج
0 سامسونج جالكسي اس 4 , اخبار جالكسي اس 4 , افضل الهواتف الذكية
0 اسماء بنات 2014
0 طريقة تحضير اللازانيا
0 حقائق عن الحلبة
0 قصات شعر اطفال 2013 , تسريحات شعر اطفال 2013 , صور قصات شعر اطفال 2013
0 العناية بالبشرة اثناء النوم
0 احسن دعاء للميت
0 اضرار لسعة البعوض
0 مسجات حب قوية


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصيده حب جميله 2014 , قصائد حب 2014 , قصيدة عن الحب 2014 صعب المنال شعر - قصائد - قصايد صوتيه - همس القوافي - قصائد الشعراء 0 3 - 9 - 2013 05:45 PM
اجمل خلفيات شعرية للبي بي 2014 ، صور خلفيات بلاك بيري شعريه 2014 ، خلفيات بي بي بدون حقوق 2014 أنشودة المطر بلاك بيري - برامج بلاك بيري - خلفيات بلاك بيري - ثيمات بلاك بيري 1 8 - 6 - 2013 01:33 PM
توبيكات اشعار حلوة للمسنجر 2014 ، توبيكات مسنجر شعريه 2014 ، توبيكات شعريه ملونه 2014 أعماق السكون مسنجر - ماسنجر - توبيكات - توبكات - صور ماسنجر - ثيمات ماسنجر 1 17 - 4 - 2013 08:47 PM
مسجات شعرية رسائل شعرية كلمات شعريه خواطر شعريه وسائط شعريه اجمل رسائل شعريه صعب المنال جوالات - اتصالات - مسجات - sms - mms - برامج جوال - نغمات - ثيمات 1 19 - 3 - 2013 10:05 PM
موسوعة الغاز شعريه مع الحلول , الغاز شعريه مع الحل , الغاز شعريه جديدة , الغاز شعريه صعب المنال نكت - ضحك - الغاز - وناسة - فرفشة - مواقف مضحكه 0 11 - 3 - 2013 03:02 AM


الساعة الآن 01:50 AM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول