مدي يمينك واخذي اخر قصيده
ما والله اكتب بعدها فيك لو بيت ..



مدري دوى والا جروحن جديده
والا تعزيني عن الحي والميت ..



مات الغلا اللي كنت دايم تزيده
وانا دفنته يوم عني تخليت..



ماهو سبب سود الليالي العنيده
اسبابه انتي ليش ما قلتي ازريت..



هي غلطتك والسيد ما خان سيده
الوقت وش سوى وانا ويش سويت..



الناس عاشت بالتعاون سعيده
او انك اخطيتي ولو اني اخطيت..



وش قربك لناس وانتي بعيده
وانا القريب اللي من الناس ذليت..



انتي مثل دم البشر في وريده
وانا بوجهي ينكشف كل ما اخفيت..



روحي لو انك يوم رحتي فقيده
لاشك صديتي وانا عنك صديت..



اخاف تكشف صورة في جريده
يصدر عددها كل ما اصبحت وامسيت..



احفظ عددها في اليدين الجويده
واصونها يوم انها اقفت وانا اقفيت..



لو كنت انا والا انتي المستفيده
اهم شي اكون في وعدي اوفيت..



ابعتزي بالصبر واسم العقيده
ولو المضامي تسمع الصوت ناديت..



واقول جاتك مني اخر قصيده
اقسمت ما اكتب بعدها لو بيت..



[youtube]http://www.youtube.com/watch?v=XXXXXXXXXXXhttp://www.youtube.com/watch?v=e2EvXM3yv8k&NR=1[/youtube]









مودتي لكم

اختكم

الريم