منتديات خجلي

منتديات خجلي (http://www.5jle.com/vb/)
-   شعر - قصائد - قصايد صوتيه - همس القوافي - قصائد الشعراء (http://www.5jle.com/vb/f9/)
-   -   شعر وطني 2014 , قصائد وطنية 2014 , اشعار وطنية 2014 , قصيدة وطني 2014 (http://www.5jle.com/vb/f9/t88438.html)

صعب المنال 22 - 9 - 2013 03:10 PM

شعر وطني 2014 , قصائد وطنية 2014 , اشعار وطنية 2014 , قصيدة وطني 2014
 
انا جايلك

--

انا اللي قتلت ثوارك

ومش خايف

وانا اللي سكت علي نارك

وانا اللي هدمتلك دارك

بقولها .. وبردو مش خايف

ولما الغُرب دخلوكي

وباعوا الارض قدامي

وباعوكي

سكت وقلت مش شايف

سنين وسنين

وانا مغلوب علي امري

وشايف ف السكوت عمري

وجوايا غضب

لكن

اثور ازاي

وف ضلوعي

الم ساكن

ولون داكن

محاوطني

مغميني

مخليني

بدون ملمح

ولا شايف

ولا عارف

ولو سالوني عن حبك

هقول عاشق

ومش عاشق

واحبك ليه ؟؟

وانا اللي كنت طول عمري

بقول عاشقك

ويوم ما هموت

اموت فيكي

وبين يدك

وبعتيني

احبك ليه ؟؟

وانا اللي فضلت

اقربلك

وتبعدني كرابيجك

واقربلك

واقولك ليه

ده انا ابنك

وانا اللي لونه من لونك

وانا نيلك

وانا طينك

بكبّرلك .. واعظّلملك

وترميني

احبك ليه

وانا اللي صبرت طول عمري

علي ظلمك

وادوق اكتر

وقال يعني لو اتكلمت

كان فرعونك اتاثر

قتلتيني

ومش عارف بحبك ليه ؟!

وليه عاشقك ؟!

وحتي لو دبحيتيني

بطيع امرك

انا عارف

قساوتك

من ورا قلبك

وظلمك ليا

مش ظلمك

ولو دوستي علي ولدك

انا راضي

بنار حكمك

مانا منك

وانا تكويني تكوينك

وانا ارضك

وانا دينك

ولما الضرب كان فيكي

ده كان فيا

ضربت بايدي ثوارك

وكان السوط علي ضهري

وف اديا

طب اعمل ايه

وانا عاجز

ده لما باعوكي قدامي

وانا ساكت

ده كان يوم الكفن ليا

...

انا جايلك

ابوس يدك

وارجّع حق ثوارك

وابيع روحي فدا مهرك

وازيح الغُرب من دارك

واقولك بس

سامحيني


الساعة الآن 09:52 AM.

Privacy-Policy Copyright
Powered by vBulletin® Version
Copyright ©2000 - 2024 , vBulletin Solutions, Inc
Search Engine Friendly URLs by
vBSEO 3.6.1

المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team