متابعين خجلي على تويتر
متابعين خجلي على الفيسبوك
| |||||||
 |
| | LinkBack | أدوات الموضوع | انواع عرض الموضوع |
7 - 2 - 2012, 01:02 PM
| #1 | ||||
| |  قصة وقصيده غزليه
هذا رجال طال عمركم راح أيام الربيع وقعد يتمشى ويطالع ولا الارض زينه ومزهره والربيع منتشر والخضار عام , لا وبعد موافق مثل ما تقول محلات كلها خباري ومياه , ويتمشى حولها ويدور السهول ويطالع ويناظر , الرجال دقاق نظر بخيص ولا هو بعجل يتفرج ويطالع ولا والله يلقى أثر فقع قعد يدور في الفقع ويطالع جمع له شوي , والله يوم مشي وتعدي ضلعان وجبال ولقى أرض سهله وزينه ودمثه وفيها عرب منا ناس ومنا ناس نازلين اللي معهم غنم واللي معهم ابل تشطر عنهم بعيد وقام يتمشى الحاله وأثناء ماهو يتمشى مادرى إلا والله هاك الغنم يوم انهلت عليه من عند هاك الثنيه ولا وراهن هاك البنت الجميله بنت زينه عليها جلال ومتحشمه , سلم عليها من بعيد , سلام وعليكم السلام وما أدري ويش , وصارت قريبه حوله تكلمه وش انت يالاخ ومتاك جاي هنيا , قال والله جاي اتمشي واطالع و أدور إن كان هنا فقع , ولاهي معها فقع مجمعته قبل لا يجي هو , خذت الفقع اللي معها وقالت خذ هذا تفضل أنا مجمعته , قال خليه لكم , قالت لا حنا مقيمين في البر وأنت طرقي يمكن تقعد الليله وتمشي خذ هذي الساعه المباركه ,خذاه منها وقعدت تتكلم معاه شوي ولا الحقيقه على جانب من الثقل والجمال وفيها حياء عظيم , ولا تهرج الا على شوي شوي , طالع عيونها من ورى البرقع وجازت له عيونها بالحيل .. الحاصل إنه أخذ الفقع منها , قالت له تفضل عند أهلي شف مكاننا هناك تعال تغد عندنا او تعش , واستانس منها على كرامتها وانها قلطته وقالت له تفضل , قال ان شاء الله أشوف أنا بتمشى شوي إن امداني مريت عليكم و إن ما أمداني , انتم مقيمين هنا ؟ قالت ايه والله حنا مبطي في هالمكان , المهم شعفت قلبه بكلامها وحركاتها وبثقلها ورزانتها وهو شاعر والشاعر مرهف حس ودقاق , وعقب يومين من تمشيه في البر دخل للديره ويوم دخل قام يسولف على واحد من أصدقاه يقول إني رحت كذا وكذا وحصلت وشاهدت هاك البنت الجميله وإنها قالت لي كذا وإنها حياويه وإنها تطقق اصابعها من الحياء لا ناظرت , قال يا رجال هين بس واجد قال إنها والله شعفت قلبي , قال يارجال بكره ولا عقبه تنساها , المهم لامه على قوله تلقى غيرها الحريم واجد والعشق واجد وإن تولعت في هالامور بتتعب , المهم يالربع مالكم بالطويله انتهي وقت الربيع وهو لا يزال يذكر هاك الموقع وهاك المكان وهاك الحبابه والطرافه والكلام الطيب , وعقب فتره عقب ما جاء الربيع الثاني قرر قال ابروح أزورهم في مكانهم اكيد اني ابلقاهم , اخذ معه شي من الهدايا مثل ماتقول هديه بسيطه كسوه وقال اروح اسير عليهم, فتجهز وراح يوم راح وصل للموقع اللي هو خابر اللي هو شافهم فيه جاء ولا والله ما هم فيه ولا هم شادين ورايحين لمكان ثاني لانهم يتابعون مشاهي حلالهم, وفعلا ما لقى أحد هاك الليله اللي هو وصل فيها لمكانهم وما وصل الا متأخر ونام , نام في هاك المكان لكنه لا يزال يتذكر هاك الموقع اللي يوم تعطيه الفقع فيه ويوم تقابله ويوم يحكون عند هالحصاة شوي ويتقدم يتقدم عنها شوي ويتذكر يوم إنها تطق بعصا معها على هاك الحصاة الكبيره وترفع رجل وطمن رجل وتمشى وتذكر مناظرها له وكلامها الطيب له وإن كلامها يهشش القلب شوي وزين ويدخل العقل كل هالاشياء تذكرها وهو يتمشي ويطالع ويناظر أمساه الليل ونام في هالمكان لكن يوم نام وجاء تالي الليل توقظ ولا والله يسمع حس ذيب بعيد وهيضه هالذيب ............. وقال البارحه جاوبت لي حس عاوي * * * ذيب عوى لجيت بالحس وياه ذيب يجر الصوت حسه خلاوي * * * ياقلب ياللي جاوب الذيب بعواه والصبح بانت في ضميري أهاوي* * * صوت (ن) زعجته ليت خلي توحاه يادار ما شفتي ظبي المطاوي * * * أتلى علامي به غشنك رعاياه أنا على شوف الحبيب شفاوي * * * كأنه هنيا خبريني بممساه قالت لي الأوطان جلع ضحاوي * * * اليوم رأس الرجم هذا توطاه أمس بهذا وأصبح اليوم ناوي * * * يتلى سلف بدو بعيد معشاه كشف لهم برق سديد عشاوي * * * يخيلونه يم خشم المسناه يبون مرباع بهاك الحراوي * * * لا زاف زملوقه وشبعت رعاياه إخذ الخبر ما هوب خرص وهقاوي * * * أعطيك علم صويحبك وين تلقاه أدني مرابيعه بخشم الصداوي * * * وبيوت مقياضه بقرية مبناه مير اطلب الله لو صوابك مخاوي * * * كم واحد قبلك عشيره تمناه يالعين ما ينفع كثير الشكاوي * * * إلا على اللي دبر الغيث وأنشاه ياونتي ونة وحيد جلاوي * * * اللي سبب دينه من أقرب دناياه ولا خلافه من يحل الدعاوي * * * لا صار ربعه منه تبي المثاراة عليك ياللي لك بقلبي مكاوي * * * ثلالث ردعات هوادي وعرقاه عقبه فقدت من المنام الحلاوي * * * وحتى متاعي قامت الكبد تجفاه يالايمي ياعل مالك عراوي * * * بلاه ما ولعك بالحب حلياه من لا يعرف الحب عنده دعاوي * * * يشره على راعي المحبه ويشناه ويقول هذا في مماشيه غاوي * * * وحنا ندل الدرب والحمد الله يالله عسى مثله كثير الهزاوي * * * يبلوى ببلوى من لسانه تهزاه حتى يعرف إن المحبه بلاوي * * * ويشوف مثل اللي من الحب شفناه عساه يبلى في محبة حياوي * * * حب الهنوف اللي يحده على أقصاه تفرى ضيره فري دلو الرواوي * * * إلا صفقها الجال من حد ملقاه
لا لجلجت له بالنظير السهاوي * * * كلامها (لبيه) عن قولة هاه كلامها للقلب مثل المداوي * * * اللي عرف علة مريضه وداواه يارب إني بالتفاتك رجاوي * * *تلم شمل الولف من عقب فرقاه لو تنفع الفزعات ولا النخاوي * * * على المحبة كان كل (ن) نخيناه مير الرجاء والياس صار متساوي * * * ياقلبي أصبر في تدابير الإله لو مابقى في حالك إلا شلاوي * * * مادبر الوالي على العبد يرضاه قال هالقصيده وهي في الحقيقه تعبر عن شعوره وعن خطواته اللي هو مشاهن وهذه من أجمل قصائد الغزل للشاعر/ مرشد بن سعد البذال.. قصيده اعجبتني وحبيت انقلها لكم وتحياتي اخوكم ((( عشقك حلال )))
المصدر: منتديات خجلي - من قسم: خواطر - نثر - عذب الكلام - خواطر حب - خواطر حزينة | ||||
 |
|
7 - 2 - 2012, 02:39 PM
| #3 | |
| | رد: قصة وقصيده ..غزليه اقتباس:
ومشكور والله يعطيك العافيه على مرورك تحياتي لك | |
| |
|
7 - 2 - 2012, 03:32 PM
| #4 |
| دلوعة السعوديه خجلي رائع  | رد: قصة وقصيده ..غزليه عساه يبلى في محبة حياوي * * * حب الهنوف اللي يحده على أقصاه تفرى ضيره فري دلو الرواوي * * * إلا صفقها الجال من حد ملقاه لالجلجت له بالنظير السهاوي * * * كلامها (لبيه) عن قولة هاه لو تنفع الفزعات ولا النخاوي * * * على المحبة كان كل (ن) نخيناه كلامها للقلب مثل المداوي * * * اللي عرف علة مريضه وداواه يارب إني بالتفاتك رجاوي * * *تلم شمل الولف من عقب فرقاه مير الرجاء والياس صار متساوي * * * ياقلبي أصبر في تدابير الإله لو مابقى في حالك إلا شلاوي * * * مادبر الوالي على العبد يرضاه تسسسلم أنآملك ~{عشقك حلآل}~ قصصيده مرره حلووه ..جبتني حييل... مآ ننحررم ي رب من جديدك... تحيآآآتي.. دلووعة آلسسعوووديه.. |
| |
|
8 - 2 - 2012, 09:49 AM
| #6 |
| مشتاقه خجلي رائع | رد: قصة وقصيده غزليه لو تنفع الفزعات ولا النخاوي * * * على المحبة كان كل (ن) نخيناه مير الرجاء والياس صار متساوي * * * ياقلبي أصبر في تدابير الإله لو مابقى في حالك إلا شلاوي * * * مادبر الوالي على العبد يرضاه تسسلم ع القصه والقصيده عشقك حلال احب القصص اللي بالعاميه موبالفصحى الله يعطيك الف عاافييه ... استمتعت جدا |
| |
|
8 - 2 - 2012, 10:02 AM
| #7 |
| أنشودة المطر خجلي موهوب | رد: قصة وقصيده غزليه أعجبني ماطرحت أخوي عشقك حلال جميييييييييييلة هذه النوعية من القصص بانتظار المزيد منك دمت مميزززززززززززززززززا |
| |
|
8 - 2 - 2012, 10:41 AM
| #8 |
| أنشودة المطر خجلي موهوب | رد: قصة وقصيده غزليه كل الشكككككككككككككككككككككككر أخوي,,, |
| |
|
8 - 2 - 2012, 11:39 AM
| #9 | |
| | رد: قصة وقصيده غزليه اقتباس:
مشكوروتسلمين على مرورك الكريم يا استاذه انشودة المطر وابشري بالقصه والقصيدة والله يعيني على اني اختار الشي الزين لكم ويعجبكم ودمتي بود | |
| |
|
9 - 2 - 2012, 04:25 AM
| #10 |
| | رد: قصة وقصيده غزليه مير الرجا والياس صار متساوي *** ياقلب اصبر في تدابير الأله لو مابقى في حالك إلا شلاوي *** مادبر الوالي على العبد يرضاه ذائقه وانتقاء رائع....... صح لسان شاعرها وتسلم يمينك على نقلها ...... تقبل مروري << ماقتلته هو مات فيني |
| |
|
11 - 2 - 2012, 09:52 AM
| #11 | |
| | رد: قصة وقصيده غزليه اقتباس:
تسلمي على المرور الكريم وانا لك قبول مرورك روعه وحياكي الله وصح بدنك وعافاكي الله والرضاء على ما كتبه الله لان كل شي قسمه ونصيب بالدنيا والرضا بالمقسوم عبادة لان الانسان لابد انه يرضى القدر خيره وشره والابتلاء من الله وتحياتي لك | |
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شميت ريحتها على اطراف كمه ، قصه وقصيده | مسافر بلا عنوان | شعر - قصائد - قصايد صوتيه - همس القوافي - قصائد الشعراء | 8 | 19 - 10 - 2011 09:35 PM |
| قصه وقصيده حب حزين | الدبلوماسي | شعر - قصائد - قصايد صوتيه - همس القوافي - قصائد الشعراء | 5 | 8 - 4 - 2009 05:39 PM |
| قصيده عزليه | هاوي الصفر | شعر - قصائد - قصايد صوتيه - همس القوافي - قصائد الشعراء | 4 | 18 - 3 - 2009 12:55 AM |
العرض العادي
