متابعين خجلي على تويتر
متابعين خجلي على الفيسبوك
|
| LinkBack | أدوات الموضوع | انواع عرض الموضوع |
4 - 10 - 2013, 09:31 PM | #1 | ||||
| طريقتي في التعامل مع تصرفات الطفل الخاطئه
بسم الله الرحمن الرحيم لاني ام يهمها ان يكون اولادها مثال جيد في الاخلاق الحميده بربي في بنتي كل حاجه حلوه عشان تدعيلي دايما وعشان اقابل ربنا وانا مطمنه اني سايبلها كنز عمره ما يخلص من المثل والقيم اظن كفايه كلام واقولكم انا بعمل ايه كل يوم قبل مابنتي تنام بحكيلها حكايه بس مش اي حكايه حكايه مبنيه علي موقف غلط عملته وانا اللي بألفها علي حسب التصرف الغلط اللي عايزه اغيره فيها مثلا لقيت بنتي لما بتلعب بتسيب اللعب بتاعتها علي الارض ومش بترتبها ابدا ولا بترجع كل حاجه مكانها (ده التصرف) احكيلكم بقي الحكايه او الحدوته: كان ياما كان ومايحلي الكلام الا بذكر النبي عليه الصلاه والسلام كان فيه قطه صغيره (طبعا القطه ممكن تبقي بنت بس بنتي بتحب القطط عشان كده بحكيها عنها) القطه دي كان عندها كرتونه مليانه لعب كل يوم تلعب بالعب اللي في الكرتونه بس بعد ما تخلص لعب مش بتلمها وراها ومامت القطه كانت بتزعل منها قوي وتقولها ياقطه لمي اللعب بس القطه كانت مش بتلمها .. وفي يوم القطه كانت سايبه لعبها علي الارض وماما مش واخده بالها داست علي كوره صغيره من اللعب اللي علي الارض وقعت ماما وايدها اتكسرت وراحت للدكتور ربط ايدها وقلها لازم مش تحركيها خالص.. رجعت ماما البيت وهيه تعبانه القطه قالتلها ماما عايزه اكل اعمليلي ساندوتش ماما قالتلها لا مش هاعرف عشان ايدي مربوطه...فالتلها القطه طيب يا ماما تعالي العبي معايا ماما برضه مش عرفت تلعب معاها عشان ايدها بتوجعها.. بعد شويه قالت يا ماما تعالي نخرج نروح السوبر ماركت ماما قالتلها معلش يا قطتي انا مش هاعرف امسك ايديك عشان ايدي بتوجعني قوي ... القطه زعلت عشان ماما تعبانه وعشان اللعب بتاعتها هيه اللي خلت ماما تبقي ايدها مربوطه وبتوجعها وقالت لازم مش اسيب اللعب بتاعتي تاني في الارض ولازم المها بعد ما خلص لعب عشان محدش يقع عليها تاني ومن يومها بقت القطه تلم لعبها بعد ما تخلص لعب وبقت شاطره
وتوته توته خلصت الحدوته ايه رايكم ف الحكايه انا اسفه علي اللهجه العاميه المصريه لو عجبتكم قولولي احكيلكم كمان وما تنسوني في الدعاء اللهم احسن خاتمتنا ام نور ومهاب
المصدر: منتديات خجلي - من قسم: التربية - الطفل - الرضاعة - العنايه بالطفل | ||||
مواقع النشر (المفضلة) |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
خطأ الطفل 2013 _ كيف تجعلين الطفل يعترف بالخطأ 2015 _ كيف التعامل مع اخطاء الطفل 2014 | أعماق السكون | التربية - الطفل - الرضاعة - العنايه بالطفل | 0 | 1 - 5 - 2013 03:07 PM |
التعامل مع الطفل 2014 ، الطفل الكذاب2014 ، كيفية التعامل مع الطفل الكذاب 2014 | أعماق السكون | التربية - الطفل - الرضاعة - العنايه بالطفل | 0 | 18 - 4 - 2013 11:02 AM |
كيفية التعامل مع الطفل الدلوع , طرق معالجة سلوك الطفل المدلل , التعامل مع الطفل الغنوج | عَےـنٌےـوِدُ | التربية - الطفل - الرضاعة - العنايه بالطفل | 0 | 22 - 2 - 2013 02:49 PM |
فن التعامل مع الاطفال ، كيفية التعامل مع الطفل ، التعامل الصحيح مع الطفل 2014 | غلآآ رؤؤحي | التربية - الطفل - الرضاعة - العنايه بالطفل | 1 | 10 - 11 - 2012 09:23 AM |
فن التعامل مع الاطفال ، كيفية التعامل مع الطفل ، التعامل الصحيح مع الطفل 2014 | غلآآ رؤؤحي | التربية - الطفل - الرضاعة - العنايه بالطفل | 0 | 9 - 11 - 2012 01:14 PM |