متابعين خجلي على تويتر

متابعين خجلي على الفيسبوك


العودة   منتديات خجلي > شعر - نثر - خواطر - قصائد - قصة - رواية - ثقافة > قصص - قصص قصيره - روايات - قصص واقعية - روايات طويلة

إضافة رد
 
LinkBack أدوات الموضوع انواع عرض الموضوع
قديم 21 - 9 - 2013, 03:46 AM   #1

صعب المنال
خجلي موهوب
افتراضي روايات حب 2014 , خواطر حب 2014 , روايات حب رومانسية 2014



الجزء الأول



في الصالون :

نور : بسرعة تراني متأخرة على الحفلة
الكوافيرة : أوك مدام
نور : أي عفية

و بعد ربع ساعة كملت الكوافيرة تسريحة شعرها .. فخذت ثيابها و راحت تبدل ..

نور : كم صار ؟
الكوافيرة : 20 دينار
نور : تفضلي .. مع السلامة
الكوافيرة : مع السلامة

ركبت سيارتها و قعدت تمشي بسرعة جنونية لأن حفلة زواج خالها بدأ و هي لحد الحين مب هناك .. و ما أنتبهت الا على صوت ارتطام .. فطلعت من سيارتها مستحمقة ..

نور : أنت عمي ما تشوف ؟
.... : مسامحة أختي ما كنت أقصد أدعمج بس لأني مستعجل ..
نور و هي تقاطعه : لا و الله بس تفكر بنفسك حتى انا مستعجلة
.... و هو يطالعها من فوق لتحت : اي يبين عندج حفلة .. عيل ماني معطلتج و لة معطل نفسي .. بعطيج رقم موبايلي عشان تتصلين فيني و نحدد تكاليف سيارتج ..
نور : شوف يا ..
.... : يوسف
نور : شوف يا أخ يوسف أنا ما أقدر أطول الحين .. أنت هات الرقم و انا بعطيه لأبوي عشان يتصرف
يوسف : تفضلي
نور : دام فضلك
يوسف : أكرر أسفي .. في أمان الله
نور : مع السلامة .. و ركبت سيارتها بس ها المرة كانت تمشي بهدوء و تفكر بالحادثة اللي صار لها الى أن وصلت تفكر في الأخ اللي دعمها .. كان وسيم بطوله و شكله ..
نور و هي تقول بقلبها : أعوذ بالله أنا في شنو قاعدة أفكر .. بس شخصيته كانت قوية .. ليكون هاي أعجاب ؟ .. و استغرقت في تفكيرها الى أن وصلت للفندق

..
في الفندق ::

نور : السلام عليكم
نوف : و عليكم السلام .. و ينج ؟ جان رقدتي أكثر ؟
نور : شاسوي في طريجي واحد دعمني
نوف و هي تشهق : الله يقطع ابليسه ما لقى الا اليوم يدعمج .. بس عسى سيارتج ما تضررت وايد ؟
نور : لا بس انشمخت شوي .. و هو عطاني رقمه عشان يدفع تكاليف التصليح
نوف : لازم يدفع الا تعالي امج وايد تحاتيج
نور : وية عليها مسكينة
نوف : بسرعة امشي ندش القاعة عشان تتطمن عليج
نور : يالله عيل أمشي

( نوف هي أعز رفيجة عند نور .. و اللي قوى علاقتهم أكثر هو أن اليوم عرس خال نور ( حسن ) من خالة نوف ( أحلام ) )

في القاعة :

أم نور : وينج يمة تأخرتي وايد ؟
نور : شاسوي يمة تدرين زحمة الشوارع و لا واحد دعمني
أم نور و هي خايفة : وية على بنيتي الوحيدة عسى ما صادج شىء ؟
نور : لا يمة الحمدلله بس سيارتي شوي تشمخت
أم نور : الف حمدلله بدال السيارة عشر .. ما يغلى عليج شىء بنيتي
نور : يعلني ما انحرم منج يمة
أم نور : شخبارج نوف ؟ و شخبار أمج ؟
نوف : الحمدلله كلنا بخير ..
أم نور : أمج ما تبين وينها ؟
نوف : اكاهي عند العروس
أم نور : عيل أستأذنكم بروح عندها
نوف : نوارة قومي نرقص ؟
نور : اوك




في قاعة الرياييل :


يوسف : تدري أحمد شصادني في الطريج
أحمد : شدراني .. ليكون شايفني ساحر
يوسف : خخخخ تنكت وية ويهك
أحمد : الا تعال شصادك ؟
يوسف : دعمت سيارة من السرعة
أحمد : عسى ما صار شىء ؟
يوسف : لا الحمدلله سيارتي صاحية بس سيارة البنية شوي تشمخت
أحمد و هو فاج عيونه : داعم بنية ؟
يوسف و هو سرحان : ولة كل البنات
أحمد : أقول يا السرحان .. شتفكر فيه ؟ تراني أفهمك .. فضفض اللي في قلبك
يوسف : هااا مدري شصادني من أول ما شفتها
أحمد : نقدر نقول حب
يوسف : هه روح ول .. اي حب يا ريال .. اممممم بس يمكن اعجاب
أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..

الجزء الثاني..



أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..
يوسف : لا أمش نطلع برع .. أبي أشم شوية هوا بعيد عن الازعاج
أحمد : زين عيل قوم

( يوسف و أحمد ربع من هم صغار .. جنة أخوان و أكثر )



في قاعة الحريم ::


نور : وايد ازعاج أمشي شوي نطلع
نوف : اي و الله انا مصدعة
نور : زين بروح اييب شيلتي و برد
نوف : ييبي شيلتي وياج
نور : تامرين أمر




في حديقة الفندق ::

نوف : الله شحلاة الجو
نور : يهبل مب مثل داخل الصالة حر و ازعاج



يوسف : قوم نروح الحديقة .. نشوف الطبيعة و الورود شوية
أحمد : أشوف الأخ صار رومانسي
يوسف : فج وية ويهك
أحمد : هههههه
يوسف و هو مستغرب : شوف هناك قاعدة البنية اللي دعمتها
أحمد : تقصد اللي قاعدة وية أختك ؟
يوسف و هو يشد ايد أحمد : اي قوم نسلم عليهم




نوف : شوفي ها اللي قاعد ييي اخوي يوسف .. أنتي ولة قط مرة شفتيه
نور : أي ما شفت اخوج ابد ..
نور و هي مفججة عيونها : تشوفين اللي لابس بدلة .. هاي اللي دعمني
نوف : هاي هو اخوي
نور ما مداها تتكلم : ..
يوسف و أحمد : السلام عليكم
نوف و نور : و عليكم السلام
يوسف و هو يأشر على نور : مب أنتي اللي دعمتج ؟
نور : اي انا
نوف : يوسف ما عرفتها هاي نور أعز رفيجاتي علطول أكلمك عنها
يوسف : هذي نوووووووووووووور ؟
نور : اي انا نور
يوسف: تشرفنا بمعرفتج .. نوف علطول تكلمنا عنج
نور : عسى بالخير ؟
يوسف وهو يبتسم : أي علطول بالخير
أحمد و هو يقطع حديثهم : شلونج نوف ؟
نوف بحيا : الحمدلله بخير أنت شلونك ؟
أحمد : الحمدلله يسرج حالي
يوسف : يالله نترخص
نوف : في حفظ الله
بعد ما راحوا يوسف و أحمد
نور : اقول يا الخاينة طلعتي تخشين عني سوالفج
نوف : اي سالفة
نور : اي بعد تغيبي .. قصدي عن سالفة أحمد
نوف أنقلب ويهها لون أحمر : عبالي عندج سالفة .. الله يسلمج هاي رفيج أخوي .. وايد وية بعض جنهم أخوان
نور : اهاااا يعني بس جذي ؟
نوف : شتقصدين نورو ؟
نور : اقصد يا الرومانسية أنج تحبينه
نوف و هي ترتجف : اي حب انتي وية ويهج
نور : ترى عيونج قاعدة تفضحج .. و تكشف الحقائق و تقول انج تحبينه
نوف و هي سرحانه : اي أحبة .. احبه
نور : ترى الحب مو حرام اذا كان صادق و بريىء
نوف و هي تقرب راسها من صدر نور : تظنين ها الشىء ؟
نور : اي




في الصالة ::

حسن : هاي أحلى يوم بحياتي
أحلام بحيا : حتى أنا
حسن : شوفيني يا أحلام .. رفعي راسج
أحلام : .........
حسن : أوعدج أن حياتنا تكون مبنية على السعادة
أحلام : أتمنى ها الشىء
حسن : قومي حبيبتي نقطع الكيك
أحلام : أنشاءالله


الجزء الثاني..



أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..
يوسف : لا أمش نطلع برع .. أبي أشم شوية هوا بعيد عن الازعاج
أحمد : زين عيل قوم

( يوسف و أحمد ربع من هم صغار .. جنة أخوان و أكثر )



في قاعة الحريم ::


نور : وايد ازعاج أمشي شوي نطلع
نوف : اي و الله انا مصدعة
نور : زين بروح اييب شيلتي و برد
نوف : ييبي شيلتي وياج
نور : تامرين أمر




في حديقة الفندق ::

نوف : الله شحلاة الجو
نور : يهبل مب مثل داخل الصالة حر و ازعاج



يوسف : قوم نروح الحديقة .. نشوف الطبيعة و الورود شوية
أحمد : أشوف الأخ صار رومانسي
يوسف : فج وية ويهك
أحمد : هههههه
يوسف و هو مستغرب : شوف هناك قاعدة البنية اللي دعمتها
أحمد : تقصد اللي قاعدة وية أختك ؟
يوسف و هو يشد ايد أحمد : اي قوم نسلم عليهم




نوف : شوفي ها اللي قاعد ييي اخوي يوسف .. أنتي ولة قط مرة شفتيه
نور : أي ما شفت اخوج ابد ..
نور و هي مفججة عيونها : تشوفين اللي لابس بدلة .. هاي اللي دعمني
نوف : هاي هو اخوي
نور ما مداها تتكلم : ..
يوسف و أحمد : السلام عليكم
نوف و نور : و عليكم السلام
يوسف و هو يأشر على نور : مب أنتي اللي دعمتج ؟
نور : اي انا
نوف : يوسف ما عرفتها هاي نور أعز رفيجاتي علطول أكلمك عنها
يوسف : هذي نوووووووووووووور ؟
نور : اي انا نور
يوسف: تشرفنا بمعرفتج .. نوف علطول تكلمنا عنج
نور : عسى بالخير ؟
يوسف وهو يبتسم : أي علطول بالخير
أحمد و هو يقطع حديثهم : شلونج نوف ؟
نوف بحيا : الحمدلله بخير أنت شلونك ؟
أحمد : الحمدلله يسرج حالي
يوسف : يالله نترخص
نوف : في حفظ الله
بعد ما راحوا يوسف و أحمد
نور : اقول يا الخاينة طلعتي تخشين عني سوالفج
نوف : اي سالفة
نور : اي بعد تغيبي .. قصدي عن سالفة أحمد
نوف أنقلب ويهها لون أحمر : عبالي عندج سالفة .. الله يسلمج هاي رفيج أخوي .. وايد وية بعض جنهم أخوان
نور : اهاااا يعني بس جذي ؟
نوف : شتقصدين نورو ؟
نور : اقصد يا الرومانسية أنج تحبينه
نوف و هي ترتجف : اي حب انتي وية ويهج
نور : ترى عيونج قاعدة تفضحج .. و تكشف الحقائق و تقول انج تحبينه
نوف و هي سرحانه : اي أحبة .. احبه
نور : ترى الحب مو حرام اذا كان صادق و بريىء
نوف و هي تقرب راسها من صدر نور : تظنين ها الشىء ؟
نور : اي




في الصالة ::

حسن : هاي أحلى يوم بحياتي
أحلام بحيا : حتى أنا
حسن : شوفيني يا أحلام .. رفعي راسج
أحلام : .........
حسن : أوعدج أن حياتنا تكون مبنية على السعادة
أحلام : أتمنى ها الشىء
حسن : قومي حبيبتي نقطع الكيك
أحلام : أنشاءالله










قديم March 13, 2007, 04:11 AM رقم المشاركة : 3
معلومات العضو
TrNeDo
موقوف





TrNeDo غير متصل


رد: *•*||*•* روايه: حب مع الأيام رووعه وربي*•*||*•*



الجزء الثالث


تمت حفلة الزواج على خير
و الحين حوالي الساعة الساعة 4 الفجر .. و المقربين من العروس و العريس لحد الحين في

الفندق ..

أم نور : يالله أخوي تأخر الوقت لازم تلحقون على الطيارة
حسن : زين انتوا وديتوا الشنط المطار ؟
أم نور : السواق وداهم
حسن : تعبتج معاي يا ختي
أم نور : لا تقول جذي .. انا اللي ربيتك بعد وفاة أمنا الله يرحمها .. و سهرت على راحتك .. انت قبل ما تكون أخوي أعتبرك ولدي اللي أنحرمت من أنجابه ..
حسن : الله على كل شىء قدير .. يمكن ها الولد اللي ما يا يكون خير لج و لأبو نور
أم نور : و نعم بالله .. الا الطيارة متى بتحلق ؟
حسن : الساعة 6 الصبح
أم نور : عيل سرعوا .. انا بروح أجهز لكم السيارة
حسن و هو ينادي أحلام : يالله حياتي , لازم نروح المطار
أحلام : وااااااااي تعبانة
حسن : رقدي في الطيارة






في المطار

حسن : مع السلامة
أم نور و هي تبجي : الله يسلمك يا الغالي .. تروح و ترد لنا بالسلامة
حسن : لا تبجين أم نور ..
أم نور : شاسوي .. تعودنا على دمك الخفيف .. و فضولك الزايد .. و راح نفقد كل ها الاشياء في فترة سفرك ..
نور و هي تضحك : حسووووون لا تنسى تييب لي الساعة اللي خبرتك عنها
حسن : هيي شايفتني أصغر عيالج ..
نور و هي تطلع لسانها : لا شايفتك أخوي هههه
حسن : صج مالت عليج .. بس ولة يهمج ابشري الساعة بشتريها لج
نور : فديت ها الخال و الله
حسن : يا اللوسة مصلحجية ..
يوسف من بعيد كان يطالعهم و كان يضحك على حركات نور الطفولية ..
حسن و هو يصارخ : يوسف قرب
يوسف : هلا بو علي انشاءالله تروح و ترد بالسلامة ..
حسن : وية ويهك احترمني يا أخي مب جني زوج خالتك
يوسف : الا و النعم .. بس لا تنسى ان خالتي تربت وياي ببيت واحد من صغري

( حسن و أحلام عانوا من صغرهم .. حسن ابوه مات لما كان في بطن أمه .. و امه ماتت بسبة مرض السرطان يوم كان 9 سنين .. فربته أخته الوحيدة أم نور .. أما عن أحلام فأمها و أبوها ماتوا يوم كانت 5 سنين في حادث سيارة .. فعاشت مع أختها الوحيدة أم يوسف .. )

حسن : هيه التاريخ قاعد يعيد نفس الأحداث
من بعيد أم يوسف كانت تلوح لهم .. ولما أقتربت ..
أم يوسف : ها حسن دير بالك على أحلام .. تراها قطعة من كبدي
حسن : ابشري . الا وينها الحين ؟
أم يوسف: وية عليها تعبانة قاعدة على الكرسي هناك
حسن : عيل بروح أناديها لان الوقت وايد تأخر
أم يوسف : لا أنت روح كمل أجرائات السفر .. بقول لنور تروح تخبرها
حسن : انشاءالله
أم يوسف و هي تقول لنور : روحي نادي خالتج
نور : انشاءالله يمة




حسن يوم كمل كل اجرائات السفر .. و كان يبي يرد عشان ياخذ احلام لقى بطريجه بو نور و بو يوسف ..
بو نور : هلا بالمعرس ..
حسن : هلا و غلا بزوج اختي
بو يوسف : انشاءالله تروح و ترد بالسلامة
حسن : الله يسلمك
بو يوسف : ترى الطريج لفرنسا طويل ..
حسن : اي و الله .. الله يستر على ما اضن بشوف اكثر من 7 افلام في الطيارة
بو نور : ههههههههه عيل توفير عشان شهر ما تروح السينما
بو يوسف و حسن : ههههههههههههه
بو نور : متى بتحلق الطيارة ؟
حسن : اوووووو نسيت احنا وايد متاخرين .. خلونا الحق على المدام
بو نور : قوم اركض قبل ما تلحقك بالعصا
حسن : حرااااااااام
بو يوسف : ان كيدهن عظيم
حسن : ترى ما ارضى على حرمتي .. ووي فمان الله .. تراني وايد متاخر



راح حسن و خذ زوجته و دخلوا في الطيارة .. بأنتظار موعد التحليق ..












آخر مواضيعي

0 صور وسام القروي 2013 , وسام القروي 2013 , اجمل صور وسام القروي 2013
0 اكسسوارات عقود 2014
0 صور جنيفر لوبيز بدون مكياج - جنيفر لوبيز بدون ميك اب
0 قصة شاب بريطاني احب فتاة اماراتية
0 رمزيات المنتخب الكويتي 2013 , صور المنتخب الكويتي 2013 , رمزيات بلاك بيري للمنتخب الكويتي 2013
0 برفانات 2014 , برفانات جميلة 2014 , برفانات روعه 2014 , صور برفانات 2014 , برفانات شبابية 2014
0 وفاة الشاب التونسي الذي احرق نفسه , وفاة الشباب الذي احرق نفسه في تونس
0 روما يتغلب على الانتر في كاس ايطاليا 2013 , روما في نهائي كاس ايطاليا 2013 , روما يتاهل الى النهائي
0 علاج التهاب الحلق , مشاكل التهاب الحلق , طريقة علاج التهاب الحلق , اعرض التهاب الحلق
0 تيشرتات شبابية جديدة , تيشرتات رجالية حلوه , تيشرتات جميلة , تيشرتات روعه , تيشرتات رهيبة


  رد مع اقتباس
قديم 21 - 9 - 2013, 03:47 AM   #2

صعب المنال
خجلي موهوب
افتراضي رد: روايات حب 2014 , خواطر حب 2014 , روايات حب رومانسية 2014



في البحرين:

( بالأخص في بيت بو نور )

نور قاعدة تكلم نوف في التلفون : قوة يا الغلا
نوف : الله يقويج حبيبتي ..
نور : ها مستعدة حق الجامعة بكرة
نوف : اي اليوم رحت الشوبنق و شريت كل شىء
نور : بكرة أول يوم .. شكثر مشتاقة حق رفيجاتي اللي كانوا وياي في التوجيهي
نوف : اي و الله حتى انا مشتاقة حق الشلة .. تعالي نورو انتي مختارة أي تخصص ؟
نور : محاسبة .. و انتي ؟
نوف : هندسة .. بس أخوي يوسف مختار مثلج محاسبة
نور : ليش نوفو أخوج في اي سنة جامعة ؟
نوف : قدنا
نور : هااااااااا .. انتوا تؤأم ؟
نوف : اي ما تدرين .. كل ها السنين صديقتي و ما تدرين
نور : لا و الله ما كنت دارية
نوف : عيل يمكن يكون ويايج في الصفوف
نور : كل شىء جايز يالله بخليج الحين أمي تناديني
نوف : اوكي تيك كير باي باي
نور : يو تو باي



نور : ها يمة خير ؟
أم نور و هي خايفة : خالج ما أتصل ؟
نور : لا يمة اشدعوة بيتذكرتا الحين ..
أم نور و هي مستحمقة : لا تقولين جذي عن خالج
نور : ها الحقيقة يمة الريال رايح شهر العسل يعني اكيد مشغول ..
رن التلفون : ترن ترن ترررررررررررررررررن
أم نور نقزت في مكانها و بسرعة راحت ردت على التلفون : الوووووو
حسن : يا احلى الوووووو شخبارج ؟
أم نور : بخير يا خوي .. بسماع صوتك .. شخبارك ؟ شمسوي ؟
حسن : ههه شوي شوي علي .. لها الدرجة مشتاقة لي .. الله يستر اذا شهر ما بتشوفيني ..
أم نور : اي الله يستر ها طمني عليك و على العروس
حسن : كلنا بخير .. الف حمدلله .. جو باريس عجيب
أم نور : عسى الله يسعدكم دوم
نور و هي تكلم أمها : عطيني التلفون بكلم خالي
أم نور و هي تكلم حسن : اكاهي أم لسانين تبي تكلمك
حسن : هههههههههه وينها ؟
نور : أكاني يا الخال .. ها لا تنسانا .. اخاف قعدة الحبايب تنسيك الاهل
حسن : افا و الله يا بنت أختي ..
نور : عطني خالتي أحلام بكلمها
حسن و هو ينادي أحلام : نور تبي تكلمج
أحلام : الوو سلام عليكم
نور : و عليكم السلام
أحلام : شخبارج نور ؟
نور : تمام خالة انتي شخبارج ؟
أحلام : اوكي ..
نور : ها عاد اذا خالي سوى لج شىء ولة ضايقج .. اول شىء لازم تسوينه تدفقين علي عشان اادبه
أحلام : ترى ما أرضى على زوجي
حسن و هو يكلم أحلام : شقالت ها الخبلة
أحلام : تقول اذا ضايقتني اتصل فيها عشان تأدبك
حسن سحب التلفون من أحلام : مع السلامة
و صك التلفون على ويه نورنور : ويعة
أم نور : تستاهلين شنو ها الكلام اللي قلتيه ؟
نور : يووووووووو خليني .. بروح أرقد ابرك لي بكرة وراي دوام الجامعة
أم نور : الله يهديج ..



الجزء السادس

في البحرين ( بيت ابو نور ) :

في الصباح

أم نور : قومي تأخر الوقت
نور : يمة تكفين بس خمس دقايق
أم نور : يالله قومي بلا مصاخة من قبل نص ساعة كله تقولين بقوم بعد خمس دقايق
نور : في ها البيت محد يقدر ينام
أم نور : من قال لج ترقدين متأخر ؟
نور و هي عاقدة حواجبها : محد .. الا الساعة جم الحين ؟
أم نور : ثمان و نص
نور : ياويلي أول محاضرة بتبتدي الساعة 9
أم نور : عيل بسرعة قومي تزهبي
نور و هي تنط من على السرير : ابشري دقايق

و قامت بسرعة راحت الحمام و لبست ثياب يديد و حملت كتبها في ايدها
و قبل ما تطلع من الغرفة وقفت جدام المنظرة من يديد تشوف نفسها .. و اطلقت زفرة طويلة بعدها طلعت من الغرفة و نزلت للطابق السفلي ..

نور : يمة
أم نور : هلا
نور : صباح الخير
أم نور : صباح الورد و الفل و الياسمين
نور بابتسامة رائعة : شخبار الغالية اليوم ؟
أم نور : بخير ما دامج بخير
نور : ها شمسوية لنا فطور ؟
أم نور : سويت لج روتي بجبن اخذي وياج و في الطريج اكليه لان ابوج ينطرج في السيارة
نور و هي تشوف ساعتها : وووووي وايد تأخر الوقت .. خلاص يمة مشكورة بعد المحاضرة بروح الكافتيريا و باكل لي شىء
أم نور : على هواج
نور : يالله استأذن باي
أم نور : بايات



في السيارة :

بو نور : جان رقدي اكثر
نور : هههه صبحك الله بالخير بو نور
بو نور و هو معصب : صباح الخير .. يالله بسرعة ركبي .. عشان اوصلج الجامعة بعدين عندي اجتماع
نور : انشاءالله انشاءالله
بو نور طول الطريج ساكت : ................
نور : شفيك يبة ؟
بو نور : افكر يا بنيتي
نور : في شنو ؟
بو نور : اليوم بعقد صفقة وية شركة بو فارس .. و هي من اهم الصفقات بحياتي
نور : الله يوفقك
بو نور : ويوفقج بنيتي .. اكا وصلنا الجامعة ديري بالج على روحك
نور : تامر امر
بو نور : ما يامر عليج عدوج



في الجامعة :

يوسف : نوف انا بروح الحين محاضرتي بتبدا بعد 3 دقايق
نوف : اوكي انا بروح اقعد في الكوفي شوب ليما تبتدي محاضرتي الساعة 10
يوسف : بس ديري بالج على نفسج
نوف : ما يحتاج توصي حريص
يوسف : نوف
نوف : نعم
يوسف : نور وياي في المحاضرة ؟
نوف : اي وياك بس مدري وينها تاخرت
يوسف و هو يقول بقلبه : عسى ما صادها شىء .. يا ربي ليش احاتيها
نوف : هلوووووو شفيك سرحت
يوسف : ها مافيني شىء .. الا شوفي هناك مب شنها نور
نوف : امبلة هي
نور جربت منهم : السلام عليكم
نوف و يوسف : و عليكم السلام
نور : شخباركم ؟
نوف و يوسف وية بعض : الحمدلله بخير
نور : اترخص الحين عندي محاضرة
يوسف : محاضرة الأستاذ غازي ؟
نور : اي
يوسف : عيل انتي وياي
نوف : مب جنك سألتني ها السؤال و انا قلت لك اي
يوسف : جاوبتيني بس كنت ابي اتاكد .. مع السلامة بروح الحق على المحاضرة
نور : حتى انا بروح الحق مع السلامة نوف .. بنطرج الساعة 11 في الكافتيريا
نوف : اوكي انا محاضرتي بس ساعة يعني اقدر اشوفج الساعة 11
نور : باي
نوف بلا حماس : باي
و اتجهت للكافتيريا اما يوسف و نور أتجهوا للمحاضرة ..

في قاعة محاضرة الاستاذ غازي ::

يوسف طول الوقت سرحان صوب نور .. و يفكر : انا احبها لازم اواجه نفسي بها الشىء .. احبها و الله احبها
نور انتبهمت لها الشىء بس ما علقت لانها ما تبي تسوي فضايح لها و لرفيجتها

في المحاضرة كان أحمد قاعد بجنب فارس ( كانوا وية بعض من الروضة الى الصف الثالث بعدين افترقوا )

فيوسف رسل له ماسج : أحمدو ليش قاعد عند ها الولد تعال اقعد يمي .. أشفيك ؟
فجاوبه أحمد : سوري فارس .. انت ييت متاخر فانا قعدت عند فارس
رسل له يوسف : و مداك تتعرف عليه حتى تعرف اسمه ؟
رسل له أحمد : فارس كان اعز رفيج عندي قبل ما اعرفك .. بعدين افترقنا لانه راح لمدرسة ثانية .. يعني عشرة عمر
فرسل له يوسف : اهاااااا شذي .. خلاص حبيبي بشوفك بعد المحاضرة



فارس : أشفيك وية ها المسجات ؟
أحمد : هاي واحد من الربع يسألني .. خلك من هاي الحين تدري شكثر انا مستانس اليوم لاني شفتك
فارس بضحكة ما تنسمع : حتى انا .. يا ما ايام قضيناها وية بعض بالحلوة و المرة
أحمد : اي و الله عسانا ما ننحرم من بعض بعد اليوم
فارس : آمين .. أحمد شوف البنية اللي لابسة قميص أحمر هناك
أحمد : اي شفتها هاي نور
فارس : أسمها نور ؟
أحمد : اي
فارس : ليش تعرفها ؟
أحمد : لا بس هي رفيجة أخت رفيجي
فارس و هو عاقد حواجبه : شعندك تحب حتى تعرف رفيجة اخت رفيجك ؟
أحمد : ما اقدر اخش عليك شىء الصراحة اي أحب
فارس : من ؟
أحمد : رفيجة نور .. اللي تصير أخت رفيجي
فارس : عيل نقول مبروك
أحمد : اي مبروك توى الناس لازم اكمل دراستي و اشتغل بعدين افكر في الزواج .. بس تعال ليش سألتني عن نور
فارس و هو سرحان : مدري من اول ما شفتها احس باني اعرفها من زمان ..
أحمد : يعني شنو تحبنها ؟
فارس : تقدر تقول حب سريع و لا من طرف واحد
أحمد بحزن يقول في قلبه : اعز ربعي يحبون نفس البنت .. شالمصيبة !!












آخر مواضيعي

0 مباريات نصف نهائي كاس ولي العهد
0 خلفيات ليلة القدر 2015
0 تقرير عن فرقة exo , معلومات عن فرقة exo , exo , فرقة exo
0 نقص فيتامين د
0 وسائط وحده والم 2013
0 قفطان , صور قفطان , ازياء قفطان , ملابس قفطان , قفطان مغربي
0 جوجل نيكسوس 7 , جهاز نيكسوس 7 , Nexus 7
0 طريقة طبخات منال العالم 2014
0 تفاصيل وفاة الفنان ابراهيم السويلم
0 انشاء اكبر منتزة بحري في العالم , اكبر منتزة بحري في العالم , استراليا تعلن عن انشاء اكبر منتزة بحري


  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
روايات رومانسية 2013 , روايات رومانسية مترجمة 2013 , تحميل روايات رومانسية 2013 صعب المنال قصص - قصص قصيره - روايات - قصص واقعية - روايات طويلة 40 16 - 12 - 2014 05:11 PM
روايات حزينة 2014 , قصص حزينة 2014 , رواية حزينة جدا 2014 , اجمل روايات حزينة 2014 صعب المنال قصص - قصص قصيره - روايات - قصص واقعية - روايات طويلة 0 3 - 9 - 2013 06:00 PM
روايات حب 2014 , قصص حب 2014 , روايات رومانسية 2014 , قصص رومانسية 2014 صعب المنال قصص - قصص قصيره - روايات - قصص واقعية - روايات طويلة 0 3 - 9 - 2013 05:58 PM
خواطر رومانسية 2014 , خاطرة رومانسية 2014 , اجمل خواطر رومانسية 2014 , خواطر حب ورومانسية 2014 صعب المنال خواطر - نثر - عذب الكلام - خواطر حب - خواطر حزينة 0 3 - 9 - 2013 05:55 PM
خواطر رومانسية 2014 ، خواطر جديده 2014 ، شعر رومنسي 2014 ، اشعار رومانسية 2014 صعب المنال خواطر - نثر - عذب الكلام - خواطر حب - خواطر حزينة 2 13 - 7 - 2013 02:20 AM


الساعة الآن 02:22 PM.


المواضيع المكتوبة في منتديات خجلي لاتعبر بالضرورة عن رأي الإدارة وإنما تعبر عن وجهة نظر كاتبها

Security team

تصميم دكتور ويب سايت


سعودي كول